AKP û Erdogan verra konseptê çinîkerdişê Kurdan de herbî kenê hera. Serva qedînayenê tekoşîna şarê Kurd’î, kamî ra heta kiltur, tarix û xoza ci kî hedef cêna. Na çarçove de bi desan qoriciyê newî, ke herbê qilêrîn dana şixûlnayen girotî. AKP zey hikûmatanê verîn wazena na herbê xo onca qorîciyan serra kî bido ramitene.
Hikûmet bi qoriciyan Kurdan jûbîn dana kişten
Ca yo ke ame pîtene-pawitene ke qoricî bêro wedardayene, AKP amnanî ra na het guretena qoriciyan kî jêde-vêşî kerd. Bi na polîtîka dewlete de kî wazena şarê Kurdî jûbîn bikiso. Demo ke şarê Kurdî serva kamiya xo xoverdayiş berz kerdo û bi îdareyanê xoser a şar wazeno ser linganê xo vindero, AKP newe ra qoriciyan arde rojdem. Mavênê no hefte de serva 5 hezar qoriciyanê newe qadroyî kerdî ra.
Gorê mintiqayan vilakerdenê homara qoriciyan wina-hin o:
- Çewlig de 400, Dersîm de 150,
- Xarpet de 50, Amed de 400,
- Semsûr de 200, Muş de 400
- Bedlîs de 400, Qers de 200
- Îdir de 200, Batman de 350 qoriciyê newe yenê guretene.
Bi guretişê qadroyanê peynî yê qoriciyan ra piya, morrê qoruciyan kî beno 49 hazar û 965.