Peynîya weçînayişê 7’ê Hezîrane AKP û Erdogan pîya dest pê konseptê şerî kerdbî û çariweya no şerî de hetanê nika bi seyan kesî cuyayişê xo dayî û di qirkerdişê gird pê amey. Yew Pirsûs de yew zî tewr peynî Enqereye de pê ame. Nê qirkerdişî têkilîya AKP û DAIŞe nîşanê heme dinyaye day. 1’ê Teşrîne de weçînayişeko gird esto. Weçînayişî sero Endama Komîteya Wêjeyî ya Koma Komeleya Kurdistanî (KCK) Nupelda Engîn qise kerd û veng da şarê Gurgumî.
Atmosfereko weş
Endama Komîteya Wêjeyî ya KCKe Nupelda Engîn vat ke 7’ê Hezîrane de weçînayişek ame viraştiş, no weçînayîş seba demokrasîya şaran ya raşt weçînayişeko weş bi, seba Tirkîyaye zî atmosfereko weş vejîya meydan û herinda ke ravêreyeya aştîye biameynê awankerdiş, ravêreyeya aştîye 7’ê Hezîrane de tarî bî, peynî zî qirkerdişê şaran pê ame û wina verdewam kerd: “Aşkeraya ke peynîya nê qirkerdişan do nêro. Na rewşa nika ya Tirkîyaye mîyanê ci de ya, seba terteleyê newe musaît a. Zîhnîyeteko yewperest, dîktatorî û faşîzmî nîşan dana. Hemverê no zîhnîyetî, muhîm o verperseko demokratîk a heme şaran a Tirkîyaye bibo.”
Ravêreyeya şero tarî
Endama Komîteya Wêjeyî ya KCKe Engîn aşkera kerd ke 7’ê Hezîrane de nêzdîbîyişekê şaran estbî, dijî no nêzdîbîyîşî, verperseko gird ameybî dayiş, seba no nêzdîbîyîşê rayeke bîn bivejîyo meydan, wa şaranê Tirkîyaye yewbînan bigêrî û rayê xo bidî demokrasîye û demokrasîye zî bipawî, çimkî demokrasî bîyayişê şaran a.
Nupelda Engîn ciresna ke demokrasî hunerê şaran a nameyê xo sero birdayiş o, hunerê şaranê Tirkîyaye ya kontrolî yo, ganî no bêro pawitiş, eke no nîro pawitiş na ravêreyey do hîna tarî bibo û peynî zî bivejî verê şaran û nameyê na ravêreyeya tarî zî şer, gonî û vinkerdiş o, no ser zî a veng dana şaran ke kesekê demokrasî ra bawer kenî û rayê xo bidê HDPe.
Verperseko dîrokî
Nupelda Engîn destnîşan kerd ke şarê Gurgumî amey qirkerdiş û Qirkerdişê Gurgumî ra xelisyay û awayo nêçare welatê xo terk kerdî û a vengê nê kesan dana, seba rijyayişê gonî, ganîyo ke rayê xo bidî HDPe û no zî do AKP û zîhnîyeto faşîst ra verperseko dîrokî bibo û sîleyeko gird bibo û rîyê Yezîd zî bikewo.
Nupelda Engîn wina peynî kerd: “Ez zey kurdeke Gurgum de pîl bîya û mîyanê çerkez, elewî û sunîye pîl bîya. Ser ma de Qirkerdişê Gurgumî ame şuxilnayiş, kesekê no qirkerdişî ra xelisyayo rê veng dana ke wa seba demokrasîye nêzdîbîyîşê xo nîşan bidî. Na heman demî de no gonî do bido vindarnayiş. Qirkerdişê Gurgumî roja ewro de cayê zey Enqere û Pirsûsî qewimyay. Seba no qirkerdişî dewam nêkerî, lazim o şar nêzdîbîyeşeko gird seba demokrasîye nîşan bido. No ser zî veng dana şar û merdimê ma ke rayê xo bidê HDPe û înan rê zî serkewtiş wazena.”
ANF/BEHDÎNAN