Demîrel vist vîrî ke AKP wazeno bextwaştoxê ke Sûrîye ra ameyî, sûkanê Kurdistan ke ameyî xirakerdiş de bi ca bikero û bi no rengî demografîya Kurdistan’î bivûrno û wina vat: “Herem de bi taybetî Gurgum de wazenê kurdê alewî newe ra dîzayn bikerê. Gurgum de kampê AFAD yeno viraştiş, la nê kampî seba bextwaştoxan nînê viraştiş, seba ke bibo halîna rêxistinbiyayişê çeteyan viraziyenê. Bi taybetî ser Pazarcixî de dewlet goş nêdano vatişê kurdê alewî.”
Ê dê destûr nêdî
Demîrel vîr ard ke dewlet hewl dana ke bi taybetî heremê ser sînor î zey Cizîr, Sêrt, Dîlok, Gurgum û Mêrdîn de bextwaştoxan bi ca bikera û wina dewam kerd: “Wazenî kurdan cayê xo ra bidî koçkerdiş û polîtîkayê asîmîlasyonî aver berî. Tirkîya eynî demî de bextwaştoxan verba Ewropa de zey şantaj şuxilnena û wazena Almanya reyde têkilîya xo xurt bikero. Ê na bawerî de yî ke no polîtîkayê AKP şaş o.
Tirkîye pêameyîşêke qebulkerdişî yê yenî agêrayîşî îmze kerd. Bi no rayîrî zî goreyê waştişê welatê Ewropa bextwaştoxan do teslîmê Tirkîya bikerî. Şert û mercê agêrayîşî de mendişê seba demê ke yê Tirkîya esto. Yeno vatiş seba no zî hetkarîya ekonomî bidî Tirkîya. Tirkîya bi no polîtîka hewl dana xo bi Ewropa ra girê bida û taybetîya demografîkî ya Kurdistanî bibedilna la ê bi tesilî destûr nêdî nê polîtîkayan.”
ELÎF DOGAN/MELEK YUKSEL