AKP wazena herkesî teslîm bigîro

Hemseroka Konseyê Rayverîn ê KCK Besê Xozat tewrê programê Med Nûçe bî û derheqê babedê ke rojdem de yê de mesajê muhîmî day. Xozat eleqe ant lejê zaf-hetin ê dewleta Tirk ser û vat: “dewleta Tirk nika zey serranê 1925 û 1938î vera Kurdan siyasetê qirkerdin ramena û vat: Hikumetê AKP, eno siyasetê qirkerdin zî, bi tecrîdê Îmralî vist dewre. 5ê Nîsan de pêdiyinê bi Rayver Apo ra birnay û dest bi lejê zaf hetin û siyasetê qirkerdin kerd. Enê kerdenê dewleta Tirk binê lingan girotinê prensîbanê Jûwîna Ewrupa û Maben-Netewî yê. La belê înan ra kes vengê xo nêvejeno.

Siyasetê qirkerdin

Besê Xozat vist vîrî ke dewleta Tirk bi tecrîdê Îmrali ra piya, vera sûkanê Kurdistan zî dest bi lejê zaf-hetin kerdo û vat: AKP bi faşîzmî cewab da wastenanê çareserîn ê Kurdistanijan. Hetê ra faşîzmê vera Rayver Apo kerd vêşî û heto bîn ra, sûkanê Kurdistanî de dest bi faşîzmî kerd. Vera enê siyasetê qirkerdin û faşîzmî, lazimo şarî werzê pay. Eno faşîzm bi damûsnayinan û eşkerekerdişan nêrijiyeno. 

Gune pêrokîn Kurdistan açarniyo Cizîr, Sîlopî û Sûr

Hemseroka Konseyê Rayverîn ê KCK Besê Xozat heme Kurdistanijê ke vera terorê dewleta Tirk xover danê silamî kerd û vat: Dewleta Tirk wazena sûkanê Kurdistanî veng bikero. Coka bi mengano êrişê Cizîra Botan, Silopî, Nisêbîn, Kerboran, Sûr, Farqîn û xeylê cayan kena. Banan rijnena û sûkan texrîb kena. Mesele teniya meseleyê Cîzre, Silopî û Sûr niyo. Vera heme kurdan siyasetê qirkerdino dewre de. Lazimo şarê ma enê siyasetê qirkerdin bivîno û heme ca werzo pay. Dewleta tirka enê siyasetî vilayê heme Kurdistanî bikiro. Coka lazimo şarê ma, heme Kurdistan’î açarno Cîzre, Silopî û Sûr. Besê Hozat eleqe ant wahşetê AKP ê sûkanê Kurdistanî de û vat: AKP DAIŞ’a Tirkiye ya. Coka zey DAIŞ îmze çekena binê wahşetan. Coka êşkenceyê cenazeyan kena, qeçek, cenî û pîr nêvana kişena.

Wazenê jew kesê mûxalîf meternê

Besê Xozat şexsdê 3 ceniyê kurd Pakîze, Fatma û Sevê yê ke Silopî de kişiyay de, heme şehîdê xoverdayişî ardî vîrî û vat, xoverdayişo ke bi rayverînê ceniyanê Kurd de rameno, do bi ser kewo.

Hevseroka Konseyê Rayverîn ê KCK Besê Xozat tehdît, binçimkerdin û dawayê vera roşnîkaran zî, zey nimûneyê bîn ê faşîzmê AKP mûsna û vat: AKP wazena herkesî teslîm bigîro. Wazena qe jew kesê mûxalîf meterno. Coka kam vengê xo vejeno hedef gêna. Coka kesê rastîn anê ziwan, çekena zîndan, êşkence kena û wazena bitarsayno. 

 ANF/BEHDÎNAN