Hukûmata AKP na bendawe seba ewlehîyê vîrazena û çarçiweya na bendawe hewt heb bendawe (Kibris, Bulaklidere, Karacalar, Pamuk Çay, Ambar Çayi, Başlar, Kuru Çay) bêro viraştiş. Hewna seba viraştişê na bendawe heme verê aw û robarê Pasur, Licê, Hênî û Ferqîn bêro girewtiş û peynîya girewtişê awe do binê awe de 19 dewe bimano.
Taybetê di Ferqîne de cayeke dîrokîye binê awe de bimanî. Hewna seba bendawan zey Pasur û Hênî kaleqolan bêrî înşakerdiş. Dema nêzdî de di Tunela Aweya Babakaye de 180 cerdewan amey cakerdiş. Ameyişê cerdewan û viraştişê kaleqolan ser dewijan qerqîzyenî û dewijan vatî ke ê di Kurdistanî de aştî wazenî û seba aştî zî têkoşîn bidî. Pêroyina dinyaye de zî na gaza zinarî ameya qedexekerdiş. Seba parçekerdişê 3 hezar û 930 metre bîr bêrokenayiş û peynî zî bêro vindertiş ke do gaz bêro cor.
No projeyê zî TPAO û fîrmaya SHELL bi hembarî kenî û projeyê ser fîrma aşkera kerd ke do vejîyayişê gaza zinarî de merheleye peynîyê amey. Taybetê dewlet seba vejnayişê gaza zinarî ser di xeta Çewlîg û Licêye de xebat keno. Di dinyaye de tewr zaf gaza zinarî di DYAye de yenahilbernayiş. Eke no proje dewam bikero do xirapbîyîşê xoza, çimeyanê awe û hetta bîyîşê erdlerzî ra bibo semed. Di Dinyaye de çimeyanê tewr zaf gaza zinarî di Fransaye de yo la di na welate de vejnayişê gaza zinarî qedexe yo. Hewna dewletê Spanya, Îngîlistan, Vaşûrê Afrîkaye, Komara Çeke û Bulgaristan vejnayişê gaza zinarî qedexe kerdî. Gaza zinarî bi rayîrê pompakerdişê awe yenavetiş la belê di mîyanê na awe ra zî kîmyasalî yena têmîyankerdiş. Taybetê vejnayişê gaza zinarî ra kesê xozahes bertek mojnenî.
NAVENDA XEBERAN