Tarix ra hata ewro Rojhelatê Miyanî de herbî, terteleyê, feqîriye, weysaniye, îşkence û xoverdayiş, tim û tim dewam kerdo. Ca wo ke weşiye bi ceniya yena namê kerdene, uca de qedinayena cenî yena mane qedinayena weşiye.Na rîwalî ra Rojhelatê Miyanî de verra cenî şîdet jedena sîstematîk û xoriyo.
Dominîkan ra heta Kurdistan
Kurdistan de, cenîbiyayiş zaf ciya yo. Wayrê maneyê stratejîk o. Rayverê Şarê Kurd Abdullah Ocalan, serva ceniyan çêberê tekoşîna serbestî akerd. Ceniyê Kurd zî na ray ra, bi îrade û rêxistin biyayen şî û tekoşînê da pîl vetî werte. Serva-qandê sîstemê da demokratîk û azad ceniyê Kurd tekoşînê da gird day. Serva nayî bedelê giranî zî day. Roj ame xo kerdî kila adir û veşnay. Roj ame meterîsan de verra dişmenê xo day piro. Heta roja ewroyî na raya heqîqetî de bi hezarî ceniyê Kurd şehît kewtî. Netîceyê na tekoşînî û bedelan de, ewro civak-hometê Kurdistan de vurnayisê do pîl esto.
Ceniya ke her roz zonayisê xo avê bena, serva kiltur, kamî û zonê xo ke tekoşîne dana. Na rî ra ke dewleta Tirk en jede-vêşî kî erzena ceniyanê Kurd ser. Çi ke dewlet zana ke, aya biyayişê ceniyan do pêrokîn hometî zana bikero. Ewro Kurdistan de îdareyanê xoser de cenî role de muhîm kaykene.
Cenî sîstemê da newî ronenê
Rêxistin biyayene yena mane qûwetin biyayene û yena mane qûweta çarekerdene yê meselayan. Ewro kuçeyan de cenî verra tanq û topanê hikumdariya Erdogan-AKP erzene xover. Binê pêro zilm û zorvajiye de serva înşa kerdena weşiya newe gaman erzene. Farqîn, Sur, Cîzîra Botan, Nisebîn, Gever, Bismîl, Lîce, Gimgim de tekoşîna ke yena dayene bi tewr biyayena ceniyan dewam kena. Cenî hem çeyanê xo canêverdane, hem kî kuçeyanê xo qûwetanê îşgal kerdoxan rê canêverdane.
Rojawa, Rojhelat, Başûr û Bakûr’ê Kurdistan de ceniyê Kurd şoreşê pîlî rê rayverîn kenê. Ceniyê Kurd jû hetî ra verra zihnîyetê camêrdê serdest û kevneşopeyê civakê xo, danê xover, heta bîn ra, verra sîstem û dewletanê îşgalkerdox ke zihnîyetê cinsîyetperwerî, netewperwerî, milîtarîst ferz kenê, xover danê. Nika ceniyê Kurd yê ke ala tekoşînî wayanê Mîrabellan ra dewr girotî, Rojhelatê Miyanî de dewrê newî rê rayverîn-pêşengey kenê. No vinderdiş, tekoşîn û xoverdayişê ceniyanê Kurd nika şewq dano pêrokîn dinya.
NAVENDÊ XEBERAN