Albumê Ayşe Şewaqî ya verên bi nameyê "Şîr û Kef" bi etîketê Kom Muzîkî vejîya.
Ayşe Şewaqî ya Dersimij ke bi kilamanê "Were were”, “Baran barî” û “Felek” yena silasnayîş, albumê xo yê verên vet. Şewaqî hem bi muzîkî ra eleqedar bena hem zî dew de weşîya xo, mîyanê xoza de ramena.
Ayşe Şewaqî serra 1980'î de dewa Bûgûrtepe yê Pêrtaga Dersim de amê dinya. Şewaqî ke wareyan de şiya ver heywanan, tembûr da piro û kilamanê xo vate.
‘Mi dejê xo, kulturê xo tewr kerd’
Şewaqî ard ziwan ke aye albuma xo de dej û azarê ke aye antê ardo ziwan û wina va: “Mi dejê xo, hîsê xo, kulturê xo tewrê deyranê xo kerd. Mi va, roj, şadî, pêro ganiyê xoza dekerdî albume. Mi deyranê xo bi dejanê xo nuştî.
Şewaqî, dîyar kerd ke a wextekê derg pawiteyê vetişê no albumî bî û va, ‘ez omid kena ke hetê şarî ra bîro heskerdiş.’
STENBOL