Dewa peynî yê Aldûş Xizorî de, veriya didi serran dewijan destpa înşayê xirabiyanê dewa xo kerdî. Rayê asfalt, rayê kuçeyan, şebekeyê kanalîdasyon newede ra viraziyay. Herzewbîn awa şimiten zî anciya keyeyan. Badê gureyînanê didi serran, Xizoriya verikîn şî, ya newî amê. Netîceyê emeg û hewldayenanhe mixtarê Xizorî Uzeyîr Şahîn’î de, înşakerdinê dew badê didi serran qediya.
Bado ke dew de meseleyê ray, aw û kanalîzasyon amey çarekerdin, dewijê ke barê xûrbet kerdî peyser şinê Xizorî. Xûrbetkarî Xizorî ya newî de xo rê banî înşa kenê, amnanî de şinê dew. Badê înşakerdinan çormeyê dew vurniya û zey sûkeka werdî ayseno.
La Aldûş de hewna bi desan dewî bê ray, bê ceyran û bê awê. Rexmo ke, dewijan bi serrano muracatê şaredarî kerd, la dewlet waştenanê dewijan ra goş û çimê xo giroto. Teybetî zimistanî de, rayê bi desan dewan girotiyenê.
ALDÛŞ