Teror û ‘qedexe’ yê dewleta tirk yê verra Kurdan, rojdemê rêxistinanê alewiyan de ya. Alewî verra zilm û zorvajiyê dewlet nûmayiş de rê. Enqera, Stenbol, Mûgla ra dima Antalya de kî alewiyan bi sloganê ‘Herbî nêbê, domanî nêmirê’ destci grevê veyşanî kerdî. Nûmayişan de alewiyan rîwalê xorînkerdişê polîtîkayanê herbî hikûmeta AKP aya kerd.
Nûmayisê grevê veysanî yê ABF û DAD’î ke, verniya panc rozan dest kerd ci rameno. Nûmayiş bi bedêlnayiş û bê-wext rameno. Bakî Duzgun’î vist vîrî ke, sûkê qedîm yê şarê ma, açarniyenê zey Kerbela û niya va: “Serdestê ke wayrê zihnîyetê kesê ke Hz. Huseyîn û alwozê ci qetilkerdî, nika sûkanê Kurdistan de welatijanê ma goç kenê, mehkûmê veyşanî û merdiş kenê. Duzgun’î da zonayene ke, cayo ke alewî cuwyenê de nûmayişî dê hera bê.
Ataşehîr û Tûzla de kî grev
Rêxistinanê alewî yê Stenbol kî paşt day nûmayişa Enqera. Azayanê Şûbeyê Ataşehîr yê Komeleyê Kiltûr yê Pîr Sûltan Abdal’î 2ê aşmî de grevê veyşanî viraşt û paşt da nûmayişê ABF û DAD’î. Serokê Şûbeyê Ataşehîr yê PSAKD Hasan Gulum’î hayr ant qetlîam û polîtîkayanê sirgun yê dewleta Tirk ser û va: “Ma wazeme herbî vinderê, domanî nêmirhe, pêrokîn hometî piya zerreyê haştî de bicuwyê. Nayî ra wazeme vengê xo berz bikerime. 3ê aşmî de kî Şûbeyê Komeleya Alewiyê Demokratîk yê Tûzla destpa nûmayiş kerd. Welatijê Alewî xo kenê hadre ke, serva ke xo verniya herbî de bikerê sîper, rojanê vernî de şirê Kurdistan.
Marmarîs kî AKP îqaz kerd
Qezaya Mûgla Marmarîs de kî, ebi Serokê pêroyî yê PSAKD Ganî Kaplan’î ra piya, 8 kesan destpa grevê veyşanî kerdî. Azayê şûbe yê ke keyeyê cem yê taxa Beldîbî de are bî askerekerdis day. Ganî Kaplan’î damûstayîn da û aşkere kerd ke, armancê înan vindernayişê herbî yo. Kaplan’î da zonayen ke, eke grevê veyşanî netîce nêdo, îye de parlamento de destpa nûmayişê roniştiş bikerê.
Antalya zî paşt da
Badê grevê veyşanî yê Enqera, Stenbol û Mûgla, alewiyê Antalya kî destpa grevê veyşanî kerdî. Alewiyê ke qezaya Antalya Mûratpaşa de, ver bana Komeleya Kiltûr yê Pîr Sûltan Abdal de are bî, sloganê “kiştox AKP Kurdistan ra biqewr” berz kerdî. Qiseykerdoxê Komîsyonê Gencan yê Şûbeyê Antalya yê PSAKD Shuat Turmen’î damûstayîn da û vist vîrî ke, alewî verra zaliman hetê mazlûman de rê. Turkmen’î aşkere kerd ke, alewî nêşkenê verniya qetlîaman de bêveng bimanê û niya va: “Ma qebûl nêkenê ke, heqê perwerde, weşî destê Kurdan ra bîro giroten. Rijnayişê cayanê îbadetxane, cayanê tarixî û mezelxaneyî bîrê rijnayiş.
Badê damûstayîn bana komeleyê alewiyan de, nûmayişê grevê veyşanî dest kerd ci.