Par 17’ê Kanune de Almanya de 3 ajanê T.C hetê Almanya ra ameyê tepiştiş. Almanya vana hîre hemi ajanê( Muhamed Taha Gergerlîoglu, Goksel Guler û Ehmed Duran Yuksel) zî bi taybetî merdime R.Tayîp Erdoganî yê. Heta vanê yew rêxistina îstîhbaratî(ajan) yê taybet esta. Na rêxistin girêdayîyê R.Tayîp Erdoganê ya. Hîre ajanê kî ameyê tepiştiş, seba na rexistin kar kenî.
Pê fermanê R.Tayîp Erdoganê şarê kurd taqîp kenî. Hina kar kenê kî giştê înan komkiştişa Parîs(Sakîne Cansiz, Leyla Şaylemez û Fîdan Dogan) de esta. Tayî hayîyê bîn zî estî û vanê, dewleta Almanya eşkera nêvana labele Muhamed Taha Gergerlîoglu, Goksel Guler û Ehmed Duran Yuksel înan pîya çeteyên DAÎŞ zî rêxistinkerdêne. Muhamed Taha Gergerlîoglu rayverî kerdêne, Goksel Guler û Ahmed Duran Yuksel înan zî çeteyên DAÎŞ’ê T.C rê pasaport amede kerdenê û balafirxane ra derbaskerdêne.Şirawitêne Stanbol, Enqere û Edene û uca ra zî şirawitêne Rojava, Surîye û Iraqê.
Hîre ajanê R.Tayîp Erdoganê ra Muhamed Taha Gergerlîoglu ser înternetî bi rayîrê Skypî, Whatshap înan sekerdo, dewleta Almanya qeydkerdo. Yane yew bi yew belgeyê ajanîyê înan destê Almanya de yê. Almanya bi rindî zanena eleqeyê nê hîrê ajananê Recep Tayîp Erdoganê rê çi tewir o. Tayîp Erdogan û hetkarê eyê çiqas înkar zî bikerêne û her çi zelal û eşkera yo. Xora Muhamed Taha Gergerlîoglu mişewîrê Tayîp Erdoganê bi. Erdogan înan eşkenê na raştîye zî înkar bikerenê.
Tayîp Erdogan înan tena nê çîyan nêkenê. Almanya de çi hêrîş ser şarê kurd benî, Tayîp Erdogan înan nê hêrîşan rêxistin û plan kenî. Tebere hêrîşan de Tayîp Erdogan înan Almanya de çeteyên DAÎŞ’ê T.C zî rêxistinkenî. Tayîp Erdogan înan Almanya de senî çeteyên DAÎŞ’ê T.C rêxistinkenî, kam rêxistinkeno, kam hebî sazî û dezgehên tirk rayverî kenî, çeteyên DAÎŞ’ê T.C senî şirawenê Rojava, Surîye û Iraqî?
Belgeyen pêronê nê çîyan yew bi yew kewtî destê ma. Wexto ke nê belgeyê ameyê weşanayîş hemi dinya pê bihesîyo kî Tayîp Erdogan înan Almanya de senî torêk viraşta. Na torê Erdoganê senî torêk hîra û xorina.
Zereye na torê de kam ca geno? Kam heb merdime Erdogan serkeşîya çeteyên DAÎŞ’e T.C kenî?
Yew bi yew eşkere bibenê.
Hamburg, Koln, Munster û Neus de ça û kotî de qerargehên çeteyên DAÎŞ’ê T.C estî ê eşkere bibinê.
Kam wazeno ke bihesîyo nê çîyan wa Yenî Ozgur Polîtîka taqîp bikero û biwano.
Hele nê rojan de wa çimê her kesî ser Yenî Ozgur Polîtîka de bo.
Eger şarê ma her roj Yenî Ozgur Polîtîka bigero û taqîp bikero, eşkeno bihesîyo nê çîyan zî.
Seba nayî ez vana, bê Yenî Ozgur Polîtîka nêbeno.