Li gorî nivîsa fermî ya BAMF'ê ji rêveberiyên eyaletan hat şandin û di malpera înternetê ya Frankfurta Allgemeine Zeitung FAZ.NET de hat weşandin, hejmara penaberan a li Almanyayê wê zêde bibe. Li gorî agahiyên ku FAZ'ê bi rayedarên BAMF'ê da piştrastkirin, di 4 mehên destpêkê yên îsal de 49 hezar 780 penaberan serlêdana penaberiyê li Almanyayê kirine û di heman dema sala bihurî de 30 hezar 259 serlêdan hatibû kirin. Ev jî zêdebûnek ji rêjeya ji sedî 64'an diyar dike.

Di belgeya BAMF'ê de hat ragihandin ku heta dawiya vê salê tê payîn ku mehane ji 12 heta 14 hezar penaberan serlêdanê bikin û tê gotin ku piraniya penaberên tên Almanyayê ji ser Îtalyayê derbas dibin. BAMF texmîn dike ku di beşa duyemîn a îsal de 175 hezar penaberên nû serlêdanê bikin û 25 hezar penaberên serlêdana wan hatibû redkirin ji nû ve serlêdanê bikin.
BAMF'ê hişyarî ad ku zêdebûna hejmara penaberên tên Almanyayê wê di sala 2015'an de jî dewam bike û ji rêveberiyên eyalet û bajaran xwest, tedbîrên pêwîst bigire. 

NURNBERG