Aktîvîteyê Teberî yê Parka Koşû Yolû ke hetê Şaredarîya Bajarê Girdî ya Amedî ra yenî viraştene, dewam kenî. Aktîvîteyê ke bi siloganê ‘Cuya ma ya, vatiş yê ma yo’ yenî viraştene, hetê Serekîya Daîreyê Tûrîzmî ra yenî viraştene.
Çarçewaya aktîvîteyan de estanike ameye vatene û dengbêjî vejîyayî sehne. Xeylê kesî parka Koşû Yolû de ameyî têhet. Estanika ‘Mîrze Mihemed’ ke hetê Devrîm Demîrî ra ameye vatene, meymanan ser o xeylê tesîr kerd. Vatişê estanike ra dima dengbêjî Mihemedê Kortepe, Mihemedê Birikî û Mihemedê Hezanî vejîyayî sehne û kilamê xo vatî.
MA/AMED