Qezaya Amed Rêzanî de, vizêr çormeyê banê TEM û Midûrîyeta Quwetanê Çevîk de teqayîşek ca ame. Netîceyê teqayîşî de yew kes merd û xêlê kesî zî bî dirbetin. Teqayîşî ra dima xêlê îdîayî erzîyay werte. Walitî yê sûk û Wezaretê Karê Zerrî beyan kerdî ke, teqayîş netîceyê tamîrkerdişê wesayît de bîyo.
Teqayîşî ra dima, cayê bîyayîşî de çalêka xorî amê meydan. Goreyê yew îdîa zî, ebe rayîra kinitişê tunelî, banî de bombe amey bicakerdiş. Wezîrê Karê Zerrî Suleyman Soylu’yî aşkere kerd ke teber ra mudaxale çin o, teqayîş wextê tamîrkerdişê wesayîtî de ca ame. La heto bîn ra, goreyê tayî îdîayan zî, bîyayîş netîceyê teqayîşê muhîmatê ke operasyonan de amey destvistiş de qewimyayo.
AMED