Partîya Demokratîke ya Şaran (HDP) di serrî verê weçînitişê 7ê Hazîrana 2015î Meydanê Îstasyonî de mîtîngê ‘Merdimîya Girde’ organîze kerd. Mîtîng de hêrişo bombayin bibi û netîceyê hêrişî de 5 kesî merdbî û bi seyan kesî zî birîndar bîbî.
Nê hêrişî ser o 4 serrî ravêrtî. Serrgêra hêrişî de şehîdî ameyî vîrardene. Rêxistina HDPyî ya Amedî cayê teqayîşî de aktîvîteyêk viraşte. Merdimê şehîdan, parlamenter û hemşaredarê HDPyî yê bajarî û xeylî kesî tewrê ci bîyî. Lîsa Çalana ke teqayîş de her di lingê xo vîndî kerdî, rîyê problemanê weşîye ra tewrê ci nêbîye.
Vîrardiş de hemsereka HDPyî ya bajarî Hulya Ûyanik Alokmena ke qisey kerde, şehîdî yad kerdî. Alokmene wina va: “Rixmê hêrişê bombayinî Amed aye roje zî qalê qesasî nêkerd û semedê aştîye û azadîye qîra. Ma Pîrsûs, Anqara û Dîlok zî xo vîra nêkerdî. Ma do bi têkoşînî waştişê aştîye biresnê serkewtişî.”
AMED