Qezayanê Amed ra paştdayen
Zaf qezayane amed’î de serva poşt dayina xoverdayişê Sûr şar kuceyan ca nêverdano. Qezayanê Amed de şar serva xoverdayişê Sûr vecîya kûçeyan. Welatijan terorê dewleta tirk ê Sûr protesto kerd.
Peyas de welatijî qabê-serva Sûr kûçeyê Firatî de amey pêhet. Bado jî bi sloganan, xoverdayişe Sur û Nisebîn silamî kerd.
Bismîl û Çinar veng da Sûr
Qezayê Amed Bismîl de zî welatijî serva poştdayina Sûr, buroyê DBP ver de amey pêhet. Şêlîg bi erbaneyan û sloganan verra meydanê newrozî kewt ray. Şelîgî eynî wext, tecrîtê verra Rayverê Şare Kurd Abdullah Ocalan’î zî bi siloganan protesto kerd.
Qezayê bîn yê Amed Çinar de zî serva poştdayina xovedayîşe Sûr nûmayiş-çalakî virajiyê. Şeligî bi veng-veten paşt day şarê Sur. Pasûr de zî serva Sûr çalakî virajiyay û waziya ke ‘qedexe’ yê Sûr sero wedariyo.
Komeleyê Pawitoxanê Mezopotamya zî ver Seraya Adeletî yê Amed’î de serva Sur jû eskarakerdîs da û eleqe ont terorê dewleta tirk ser. Eskerakerdîs de vacîya ke, dewleta tirk bêqanunîn kûçeyan şarî rû tometi kena, sîvilan kişena û cayanê tarîxî xirab kena.
DÎHA/AMED