Hemleya Xezebê Firatî 3 hetan ra bi hawayo serkewte dewam kena. Şerwanê Odeyê Çalakî ke heto 3. ra Mekmenî ra kewtbî rayîr, mîyanê 3 rojan de 20 kîlometre aver şîyî. Badê xelisnayîşê dewa Çewisî vera xo dayî dewa Sebah El Xêr.
Dewa Sebah El Xêr 70 kîlometre merkezê Reqqa ra dûrî de ya û seba DAIŞî cayêko stratejîk bî. Şewa 19ê sibate na dewe çeteyanê DAIŞî ra ameye pakkerdiş. Badê ke şerwanan dewe de ewleyî awan kerd, dewijî agêrayî dewa xo. Wexto ke dewijî agêrayî dewa xo û ewja de şerwananê Odeyê Çalakî dîyî, zaf kêfweş bîyî. Cinîya bi nameyê Şeymaya zî wina va: “Wexto ke ma cilanê sîyayan xoranêdayêne, înan mêrdeyê ma berdênê, eştênê hepisxane. Lengî bi ma çînayênê û îşkenceyê ma kerdênê. Ewro şerwanî ameyî tîya, cok ra ma zaf kêfweş î.”
Çimê ma rayîran de mendî
Dewijêko emrê ci pîl bî, qisey kerd û wina va: “Ma heta nika merde bîy, şima kura de bî. Qey şima hende erey mendî. Çimê ma rayîran de mendî. Înan zaf zulm bi ma kerdî, nêverdayêne cinîyê ma keyeyê xo ra bivejyî. Wexto ke ma çîyêk bikerdêne, cilê ma tira kerdêne. Ameyîşê HSDyî seba roşan o.”
Dewijêko bîn va ‘HSDyî ma rizgar kerd’ û wina domna: “Şima qala çi xirabî bikerî, hetê DAIŞî de estbî. Ez hêvî kena ke şima heta Şam şêrî. Ma zaf kêfweş î. Ma do nika ra pey tayê çîyan bi rehetî bikera. Ewro roşanê ma yo, ma do nêyî pîroz bikerî.”Dewijêk wexto ke kamerayan dî, destpêka qiseykerdişê xo de keye û mamostayanê xo rê silamî erşawitî û wina domna: “Kêfweş bibê, ewro seba ma roşan o. Cinîya mi nêşînayêne bêxera cilanê sîyayan, sewbîna cilan xorabido. Înan xeylê reyan mi eştî hepisxane. Ez remaya la nasnameya mi destê înan de mend.”Dayîkêka ke emrê aye gird bî zî bi kêfweşî çepikî dayî piro û va: “Nê çepikî seba şima yî. Ez bi ameyîşê şima zaf kêfweş a.”
REQA