“Na çi rezîlîya, fedî bike. Reyna to binê xo de kerd.” “Min nêkerda kî” vano Bariş. Dadîya cê bi hêrs persena “La kamî mîzî kerde”? Barişo qicikek serê tûmananê xo wa resmê Mîkî esto, yê nîşanê maya xo dano bayne: “Enê kerda”. Vano. Na mesela sîyasetêko AKP dana meşnayiş dano nîşandayiş. AKP kêmasiyêka, xirabiyêka, zulm û tedayêka aye ra yena viraştiş, nêgena xo ser, bi tarzêko zey “Mîkî kerd” zêde mahira ku sûc û qebahetê xo berzo yew bînan ser. Serra 2009’î de bi Operasyonanê KCK Sîyasî qirimêko pîl Tevgerê Kurdan yo Sîyasî cuya.
Îdarekerdoxê partîyan ra bige heta serekê şaredarîyan, sendîqavanan ra bige heta akademîsyenan, şagirtanê zanîngehan ra bige heta rojnemegeran bi hezaran kesî girewtî binê çiman û tewqîf kerdî. Zey baş bêro fehmkerdiş lazim o merdim bawno tay hêjmaran ra ku çiqas kes amewbi girewtiş. Wexto no operasyon ewilî 14’ê menga 4’ine serra 2009 ra nişte pa heta menga 10’ine serra 2011, no wext de xebatkar û rayeberê BDP ra 7748 kesî girewtî binê çiman yine ra 3895 kesî tepişti, kerdî heps.
Nê ku amey tepiştiş yine ra 10 serekê şaredarîy, 29 endamê meclîsa şaredarî, 8 hetkarê serekê şaredaran, 2 wekîlê serokê şaredarîy, 2 serekê şaredarî yê verênî, 2 serokê meclîsê şaristanî û 4 zî wekîlê yine. Pêvajoyê werêameyişî de, zagonî bedelnay. Giroyteyê hepsan zehfê yine amey beradayişî. Kamî no hesab persa bersîvê aqilmendan, şêwirmendanê AKP zey tûtê 5 serrîy ku binê xo hîy kerdib: “Ê wele AKP nêkerd, ‘paralel mîkî’ kerd!” Serzotê serî rê tay siyasetmedarê kurdan zî na zûran ra bawer kerd. Hâlbuki no welat de kam peştê xo bi îqtîdarî girenêdo, yê ra qewet nêgero nêşkeno mudaxelê nê sîyasetmedaran nê zî mudaxelê daraz bikero, welew bikero zî nêşkeno bero sere. (Biewnê operasyonanê, 17/25 Kanûnî ra...) Nika raynê qerta tertela sîyasetmedaranê kurdan kaye kenî. Hem zî ya 2009 îy ra talûkeyêrî.
Weçînayişê 7 Hezîranî ra heta ewro sivîl sîyasetmedarê kurdan ra 4500 kesî girewtê binê çiman. Ninan ra nizdî 1000 kesî nika hepsan de yî. Binê çiman û girotiş hema zî yeno kerdiş. Heta ewro 19 hemserekê şaredarîye amey tepiştiş. Ro 8 kesan zî geyrenê. 28 hebî hevserokê şaredarîy dekerdî binê çiman û beraday. Raynê 28 hebî peyvire ra girewtî. Endamê maclîsê Şaredarîyan ra 36 kesî hepsan de yê. 24 kesî peyvir ra girewtê.
6 endamê maclîsê giştî yê şaristanî heps de, 2 kesî zî peyvir ra girewtê. Gewer ra heta Cizîr 7 şaristanan de 19 qezayan de kêyan ra teberkewtiş qedexe nawo ser. Şerêko amewo kerdiş, banêko vêşnê, ricnê, şaristanêko amey xerepnayiş, kiştişê hende merdimanê sivîlî, cenîyan, tûtan, gêrîlayan, leşkeran, polîsan ke yeno kerdiş, heto bîn ra zî hende kertelê sîyasîyan zêde balê tayine nêyanceno.
Nika zî “Wezenê meclîs bê kurdan” bo. Awêko bê huqiqî dest binanê kêyan û baxçanê nê şarî ser îstîmlak virazenê. Wekîlê ma, şaredaranê ma, endamê meclîsanê ma kam ameb weçînayiş bikerê binê çimî, ewcara dekerê hepsan.
Nesîp GULTEKÎN