Şîyayîşê Tirkiye rijnayîşê diyîne yê Osmanî yo. Nika ayseno ke hikûmatê AKP Tirkiye verba yew şîyayîşê felaketî da. No warî de zî şarê Tirkiye û mûxalefet zî  kê vanê qey hewnê mergîyê dê. Tirkiye hînê kura bena se, dinya de tecrît bîya. Erdogan Amerîka ra vano ‘tercîhê xo bikerê ya ma û ya zî YPG’. Tabî no tewr vatiş yew hetî ra Tirkiye ecizbiyayişê xo îfade kena û yew hetî ra zî qedênayîşê Tirkiye yo. No warî de bi verên ra Tirkiye  balte dana linganê xo ro û lingê xo şikitî. Çimkî Tirkiye  ganî bi verên ra kurdanê xo reyde pêameyiş bikerdê la çi heyf o ke bi rewşa verên ra verba kurdan ra yew şero taybet destpê kerd û kurdî xora qerfnay. 


Tirkiye kindirî qerifna

No saet ra pey kurdanê Vakurî reyde tikê zor pêameyiş virazeno. Çimkî no warî de Qesra Beştepe heme tewr ra verba kurdan ra kindirê xo qerfnay. Qesra çeteyê AKP heyana ewro Gimgim de, Farqîn de, Nisêbîn de, Sûr de, Cizîr de Silopî de qirkerdişî girdî viraştî. Tewr peynî de zî Cizîr de çend taxî heme hewa ra bombardiman kerdî verba çimanê heme dinya ra qirkerdişê sivîlan viraşt. No tewr qirkerdişê sivîlan qet dinya de no tewr nimûne çinîyo û peyda zî nêbîyo. ABD, Fransa, Îngîltere, Rusya, Îran no warî de ûltîmatom danê Tirkiye No sebeb ra yo ke Qesra çeteyê AKP kenê ke nê qirkerdişê xono eşkerayî bi rewşa qaosî ra biniminê û yew qaoso newe bivirazê. No qaoso newe zî gala êrîşê YPG bikerê û mudaxeleyê Sûrîye bikerê.  Quqla Serekwezîr Davutoglu vano heqê ma esto ke, ma mudaxeleyê Ezazî bikerê. No çend rojî yo ke TSK topan reyde Ezazî gulebaran kena û no warî de ABD, Fransa, Îngîltere, Rusya, Îran no warî de ûltîmatom danê Tirkiye. Tirkiye zî no rewşa qaosê xo de israr kena. Tabî no tewr qaos zî xelisnayîş nîyo. Qesra çeteyê AKP ganî bi verên ra ganî hesabê nê qirkerdişan bidê. No warî de nêeşkenê ke Rojawanî de statuyê kurdan ra mudaxele bikerê. Heyana Qesra çeteyê AKP nêrijîyê se ana rewa rewe Tirkiye nêeşkena ke xo raşt bikero. No warî de heme tewr ra yew rewşa tehlukeyî Tirkiye pawena. 


Tirkiye de muxalefet çinîyo

Heyan şarê Tirkiye, demokratî, şorişî, welatperwerî, ronşbîrî verba faşîzmê çeteyanê AKP yew nêbî se, hema çeteyê AKP zaf çîyanê xirabe kenê û Tirkiye bena hewayê Almanya Hîtlerî. Xora Tirkiye de muxalefet çinîyo û CHP xo bi xo kay keno û vindeno. No warî de yew tena weçînite maneno, o zî verba faşîzmê çeteyê AKP ra yewbîyîş o. Ganî no warî de rihê Gezî û rihê Kobanî newe ra ganî bo û yewbîyîşê kurdan û tirkan bivirazîyo û xeyalê çeteyê Osmanî ya AKP serûbin bo. Saltanatê Osmanî senî hewa rijya û saltanatê AKP zî nê nizdîyan ra rijyeno. No warî de bêçareya çeteyê AKP zî Cîzir de qirkerdişê sivîlan viraşt Wesarê kurdan nizdîyo. Nê di aşman ra vêşêr o ke Sûr û Cîzir destanê xoverdayîşê camêrdeyî nuştî. Çeteyê AKP her roj Sûrê Amedî de darbe sero darbe wenê. Heme verba şixulnayişê teknolojîya berzî TSK verba xoverdayîşê YPS ra vinî kerd. No warî de bêçareya çeteyê AKP zî Cîzir de qirkerdişê sivîlan viraşt. Ewta de mislimaneya AKP verba cenîyan ra gedeyan, birîndaran ra camêrdeyîya xona xirabî nawite. Kiştişê cenîyan û virankerdişê teşhîrê naşê cenîyan mislimaneya AKP ya. 


AKP û DAIŞ birayê pê yê

Ha mislimaneya AKP û ha zî mislimaneya DAIŞ qet yew ferq çinîyo, wirdî zî birayê yewbînan ê.No sebeb ra yo ke şarê Cizîrî vinînêkerd ewta de çeteyê DAIŞ û çeteyê AKP vinî kerdî. No sebeb ra yo ke nê Serra 2016 serkewtişê wesarê kurdan beno. Heme wehşetê çeteyanê AKP pirnikanê înan ra yew bi yew vejîyena. No warî de çeteyê AKP kamî reyde dans kenê hema zî hayîdar nîyê. Çeteyê Qesra AKP vatê qey ma Rayberê Şarê Kurdî xapênenê û aware kenê û ma îqtîdarê xo hîna weş şidênenê. Raşt a la AKP îqtîdarê xo şidêna labelê binê nê îqtîdarî qof o. Enka zî Rayberê Şarê Kurdî ser o tecrîd û îmha gurênenê. No warî de sewbîna zî weçîneteyê AKP nêmendo. Seba bi wesîleya serrgêra 17’in a Komploya Mîyanneteweyî ra ancî zî şarê kurdî heyana ewro senî hewa nê komplo veng vetî se ewro zî nê komploye veng vejenê û azadîya Rayber Apoyî ra têkoşîna xo hîna zaf berz kenê. Mergê hukimatê AKP nizdîyo û serkewtişê serfirazîya wesarê kurdan zaf nizdîya. 


Zaza  CEBELÎ