Kurdistan de zî her girse gorê berjewendîya xo rexistin bîyê, partî awan kerdî. Zere dades partîyên Kurdistan ra partîya en gird PKK û PYD ya. Ewroyê de ne hurdhemê partî, şaro kurd temsîlen Vaşûrê û Rojawan Kurdistan de henverê dekkera DAIŞ herb de yê. Partî kurdan tena sîyaset nêkenî. Nêçarî de benê gerîla, benê pêşmerge têder Kurdistan pawenî. Tabî ke zere de, qada komelî de benê reqip, sîyasetên reqabet kenî. Reqabet çîyo bi feyde yo. Wa partî bi haşîtî rekabeta sîyasî bikêrî. Wa qabe yew îradeyo dirust û hemdem bikewî rekabet.
La tayê dezgê û partî kurdan hetê fikr û îdolojî de xorê forma dewleta netew, dewleta otokrat Tirkîya referans genî. Na tekilî masum nîya. Eseno ke, epey serebutî nayan û dewleta Tirkîya pera est o. Zîhnîyeta yew nijad, yew ziwan, yew kultur û yew dîn nêvînenê. No pergalî dewletî ra zaf weşhalî ke sey Tirkîya yew netew dewlet wazenê. Nêy nîvînenî, rejîmî Tirkîya dewlet çendêk dijî demokrasîya. Çendêk dişmenî şarî ya. Ne partî û dezgeyên kurdan wazenê ûnîformaya seserra vîstîn, ya neteweyî xora bidî. Hef ke bîyê paranoyakî dewleta netew. Û vanî; çiranê sîyasî hereketa kurd, tevgêra azad na cila kahan xora nêdana? Çimkî sîyasî hereketa kurd îdolojîk felsefî yew hereket a. Bi vîzyona serekî sîyasî hereketa kurd birêz Ocalan, şar newe yew pergal, newe yew îdolojî pratîzê keno. Tirkîya û Kurdistan de şar, no serdemo modern de destêk dano paradîgmaya Ocalan, temamî demokratîk, xoserî yew pergal wazeno.
Ê partîyê kurdan ke komara Tirkîya xora kenî nimune, tevgera azad nayan ra vana Tirkîya yew nimuneya baş nîya. Îna: Dewleta Tirkîya de seserra bi projeya dewleta netew, bê tirkî hemê ziwanê bîn qedexe yî. Trakya, Anatolî û Mezopotamya de bê tirkî nî ziwan mend nî zî kultur. Rejîmî Tirkîya bi nameyê tabêa umeta îslam û tirkperestî, bî goristana kurdî, erebî, lazkî, gurcî, çerkezî. Polîtîkaya tahkîr kokî kulturan ard. Yew seserr bi zext hemê şarî Mezopotamya, Trakya û Anadolu bîatî no zîhnîyetî (Îtîhak Terakî) bi. No derhek de Tirkîya de her hikumat, bi mosdereyê hikumato bîn.
A ya ke vat; “min baştir kes asîmîlasyon tetbîk nêkeno” hikumata AKP ya. Des û di serrîya îktîdar a. No îktîdar, qabe krîteranê Yewêteya Ewropa (YE) vat; wa Şaro kurd ziwanê xo, bi peranî xo, kurs de bimuso. AKP îna trajîk yew nimunê ya. Kî altenatîfî Roj TV, TRT-Şeş zî qabe polîtîqaya tahrîr a bî. Êyî ke rejîmî Tirkîya nimune genî, wa bizanî xetereyê tirkperestî, netewperestîyê ra yo şaro kurd 29 dor serwedarit. Xulase, gafletî îzalasyon, gafletî îslamîzasyon, gafletî tirkperestî yew nimunê nêbena. Nimunê ancex baş bo, bena nimûnê. Yew komelî de her kes nêçarnîyo seyyewbînan dawagir bo, eynî çî bawer bikêro, û eynî ziwanê qise bikêro. Paradîgmaya Ocalanî de “ti çiranê sey min nê cuyenî” çîna. Wexta kî şarî Tirkîya prensîbanê Ocalanî de ami têhet Tirkîya benal hol. Bele. Tirkîya de zî zaf partî est ê. Bê HDP yew zî demokratîk nîyê.
Mistefa ŞAHIN