Tay herêmê girîngî zî ma vinî kerdîy. Yinan ra Ceylanpinar, Kanîreş, Tatwan û hema tay cayê bînîy zî estbîy. Na vînîkerdişê nê hereman de kêmasiyê ma bibîy. Ma weçînayişê serokkomarî de rayê xo zêde kerdîy. Nêy wirdî weçînayişê serra 2014 î ma rê omidêk viraşt. Bawerîyêke da ma. Semed serkewtişî amûra herî girîng-gird omid û bawerî ya
Gava ti bi xo bawer bibê ti wo biserkewê. Zey PKK û Serokê aye birêz OCALAN bi na baweriya xo serra 1991 ra nata heme hukûmatan de, raya ewil bi merhum Ozal lî de kewt dîyaloxî. Şerê bi çekan da vidarnayiş. Heta ewro zahf raye no firset da hukûmetanê na dewlete pêroyine. Çi heyf heta ewro na pirsgirêke ameya. Hema zî cirê çareserî nêameya diyayiş. Firsetêy ke amey dayiş zey ma wo senin yine têkbiberime, ame vînayiş. A semedî ra şer raynê amekerdiş. Bade şerî rayne adir tefênayiş. Newroz a serra 2013 ra nat adirbirnayiş amewo îlankerdiş. Heta ewro zî dom keno. No domnayiş tenê bi xo bawer biyayiş nê, sebr û tehamulî virazena. No vindertişo bi zanayiş raya yewine saraya Dolmabaxçe de zey di hêzan; heyeta dewlete Îmralî amey teyhet. Tenê na girînge nîya. Xoverdayişê Kobanî û xelesnayişê Kobanî no hereket bi temamê dinya da naskerdiş. Hem beyntarê Kurdan û Kurdistanî de, hem Rojhilato mîyanin de, hem zî temamê Dinyayî de heskerdiş û bawerîyêk virazya.
Temamê merdimatî rê bîy omid, biy roşnî. Eyro lazimo ma her merdimek wayir wijdanî bibêy. Semedê weçînayişî çi destê ma ra bêro ma bikerime. Tenê vernîya ma de 85 rojî mendîy. Rojê marde yê. Rojê mardeye lez vêrenê ra ma hew dî qedyay. Vatişêkê verînan; “Nano pewte merdim hende dîy qedya”. Nê rojê mardey zî zey nanê pewte yê. Nê heştay panc rojî lazimo ma biroj û bişew bixebetyim. Xebata xo bi zanayiş, bi aqil bikerime. Ti ceyked venganî nêverdime. Gava venganî bimano go a vengayî hetê tayinan ra bêro dekerdiş / pirkerdiş. Xweza zî ewnawa venganî xo de nêverdena.
Ewro ma awnen merdimeko wazeno tevgerî de bixebityo, bibê vernamzetê na tevger heme deman / gavan zêdetirêy. Lazimo verpersê na tevgere zî werdî û xorî biramê. Rayera şêrê. Kêmasiyêko heta ewro ma kewtê ci, ma kerdo lazimo ma yinan ra sey bigerim- wedarim. Tekoşîna herî rehet na tekoşîna. Madem ma bawerî bi serokê xo birêz OCALANî ardo, lazimo ma destê ci xurtbikerim / zexmkerime. Weçînayişê 7 menga hezîranî temamê yê bînan rê, ciwatan rê, ciwan û cenîyan rê biyo omid. Lazimo ma nê omûdî bi serfirazî ravîyarnim. Amûrê serfirazîya nê weçînayişî zî tenê xebata. Xebata bizanayiş. Xebata zey Birêz Serok OCALAN vano û wazeno bêrokerdiş.
Nesîp GULTEKîN