Na partî pero yê tirkan bi, seba Tirkiyaye, seba tirkan guriyenê. Partiyê kirmancan çinê bi, qedexe bi. Ma beka zone xo qiseykerdenê, hema qe pers nekerdenê ca ju partiyê ma çin o? Ya ke ca ju partîyek roje nevaneno, ez seba kirmancan bigurên, seba haka dinê gurên, ine rê wayîrî kon. Ser vêrd ra. Kirmanc vuriyay, zanayena kirmancan vuriya. Nu qe rehet nêbi. Xortê, cenîyê kirmancan kişt, est zerre, koyî de herbo gird, herbo gird da. Ma kirmancîya xo musayîme. Ma kirmancîya xo fêr kerdê. Ravêr ma tersenê vacîme, ma kirmancî, ewro hên nîyo, ewro xo goynê ma, vanê ez kirmanc a, zonê min kirmancki yo. 

HDP ra raver xeyle partiyé kirmancan bi, ez newazena ita pêroyî bimori, qerek çino. 

7’ê haziran de HDP qerar guret, kuti weçînayîş. Bendê dewleta Tirkiya rijna, xelesna. Seyî ra 13.01 ray guret, 80 mebus kerdî Meclis. Ma çiyo nanen nezanîtene, bawerîya kirmancan bi qirs, bi qewetin. Dewleta tirk, hukimatê tirk xo şaş kerd. Kirmanc zaf qewetin kut bé Meclîsê Tirkiya. Dewleta tirk, hukimat, partiya newe qebul nêkerd. 

Dewleta tirk kurdistan de nemend. Kirmanc weçînayîş de dewleta tirk welatê xora eşt tever. Dewlete teyna ebe esker u polîsê xo mende. Dewlete Kurdistan de polîtîk u sîyaset de kerd vind. Cotir qerare herb guret, codir sukê kirmancan guret bînê abluka, ebe topu û panzerê suki day piro. Ne verda kirmanc meyîtanê xo berê mezelê, ewro mezelanê kirmancî bombe kenî, mezelonê şehîdî bombe kenî, kenî xirabe. Zanenî, nê sehit qe nebiyene, kirmancî xelesiyay bî. Eke ewro dewleta tirk Kurdistan de no herb kerdo vind, na millete kirmanc endi dima dine ra neşono, no emege nê şehidan o. Codir hefê xo mezelanê ina ra gênî, şodir mezelanê şehîdan bombe kenî. 


Nika hal niya yo

Weçînayîş esto, unca 1’ê Teşrîn de. Rayê ma esto, ma do rayê xo bidî xo, ray vîjdanê ma yo. Dewleta tirk û partiya tirk, ma kirmoncan Meclîs de nêwazenî, wazenê ma Meclîs ra berze tever, nêwazenê 80 Wekîlê kirmancî Meclîs de bimane. Sodir no weçînayîş newe ra virazene, eke bese bikere, ma erzene tever. 

Make rayê xo da xo, Dewleta tirk nêeşkena ma Meclîs ra bierza tewer. 

Make reye xore wayirin kenime, şonî ser sindoqî, rayê ma hîna beno zaf. 7’ê Haziran de seyî ra 13.01 bi, nika do hîna zaf bibo. Kes cayê xo de mevindero, pero serme rayê xo bido xo. 

Weçînayîş ra tepiya verpersê dewleta tirk kerdena ma biyê. Ma Pirsûs qir kerd, ma Enqere de qir kerd, her roj sukanê ma bombe kenî, merdonê ma neverdanî mezelê xo de rehet raku. 

Verpersê ma inere hîna zede ray, hîna zede wekîl, hîna zede jubiyane, hîna zede wayirina xo kerdene bo. Rayê ma vîjanê ma yo, rayê ma şehîdan ra danê ma, Sehidan ra soz danê ma, ine soze xo guret, ma danê xo inere biyar ma hurind.


Huseyin GIRMIT