Badê şero giran ê Sûr’î molozê keyeyê ke hetê dewlete ra ameybî xirakerdiş, yeno eştiş û tewr peynî mîyanê molozan de termê yew cenî ya parçebîyaye ame vînayîş.Pîyê Rozerîn Çukurî, Mustafa Çukur babete ser o qalî kerd.
Cenaze senî vejya
Mustafa Çukur dîyar kerd ke o nêwazeno wina bifikiryo la beno ke na cenazeya ke ame dîyîş, ya kênaya ci biba û wina verdewam kerd: “Dozger vat; ‘Ma bi awayo baldar gêrenî, ma baş kontrol kenî’ la ger ke baş gêrenî se na cenaze kura ra vejya. Xora cenaze zî hetê malbatê ke molozan ser o kelmelê xo gêraynê ra ame dîyîş.”
Wa şar wayîr bivejyo
Çukur dergeyîya qalîkerdişê xo de ard ziwan ke bi cenazeya ke ame vînayîşî polîtîkayê dewlete ya yesîrgirewtişî hîna baş ame dîyîş û wina vat: “Ganî şarê ma dijî na hovîyîye bêveng nêmano. Wa dewlete baş bizana ke 3-4 talankerdoxî nêeşkenî îradeya rayvistekerde bişiknî. Ganî şarê ma wayîrê nê ciwanê ke mergî ra nêtersayî ra wayîr bivejyî. Wexto ke Enqere de teqyayîş virazya testê DNA yew roje peynî bî la yê ma çend aşmî ke hîna bi encam nêbîyo. Qey, ma zî merdimê na dewlete nîyî. Bi no hawa malbatan ra îşkence kenî.”
Malbatê ke bi hefteyano nûmayiş de yê aqûbetê cenazeyanê domananê xo persenê.
DÎHA/AMED