ŞÎNDA EKREM / ANHA/QAMIŞLO
Taybetîyê cenîyê Rojawanî, verba hêrişê DAIŞ û Dewleta Tirk de bi têkoşînê xo vejîyayî ver û heme dinya ra elaqa dîyê. Cenîyê Rojawanî nika zî xo bi xo rêxistinkerdişê xo vejîyenî ver. Babete ser Endama Kongreya Stare Evîn Siwêd qise kerd.
Endama Kongreya Stare Evîn Siwêd vat ke cenîyê Rojawanî bi rêxistina Yekîtiya Stare sifte xo rêxistin kerdê û peynî zî xo bi Kongreya Stare rêxistinîya xo aver berdê û wina vat: “Şoreşa Rojawanî ra pey cenîyan xo heme rasteyan de xo rêxistin kerdê û zaf hûmarî de sazî akerdê. Seba koordînasyonê nê sazîyê cenî rêxistinbîyayîşêko newe şert bî, no ser Kongreya Stare ame awenkerdiş.”
Endama Kongreya Stare Siwêd aşkera kerd ke Kongreya Star 10 komîteyî ra ameyo awankerdiş û mîyanê nê komîteyan de tewro muhîm, komîteya perwerdeyî yo û wina domna: “Komîteya Perwerdeyî bine Meclîsê Adeletî yê Cenî de xebatê xo kena. Na komite taybetî cenîyan ra projeyê arizî virazena û butçeya şaredarîya ra zî seyî ra 10 gêna.”
Dinya de yewîyeya cenîyan
Siwêd dîyar kerd ke ê wazenî ke pêroyina dinya de yewîyeya cenîyan awan bikê û no ser zî xebatê înan ê dîplomatîk domyenê û wina domna: “Demo şerî de zî Kongreya Stare teberê mintiqayî de cenîyan reyde her tim mîyanê têkilî de bî. Heme qetliamê dewlet tirk ma bi belgeyan teslîmê sazîyê cenîyê dinya ra kerd. Peynîya îşgalê dewlete tirk ê Efrîn, Serêkaniyê û Girê Spî de çi heyfo ke verba cenîyan hedîseyê şîdetî zêdîyayê.”
Siwêd tewro peynî pare kerd ke verba heme hêrişê dijwar do cenîyan têkoşînê xo hîna berz bikê û wina peynî kerd: “Omidê cenîya azad do her tim bibo. Hetanî cenî azad bibo do têkoşînê ma bidomyo. Ma şehîdê ma ke seba azadîye têkoşîn dayê, ma sozê xo bîyarê xo û têkoşînê do bidomnê.”