Her serre demserrê hamnanan mergê ke netîceyê awe de xeniqîyayîşî de benî zî xeylê benî zaf. Cayê ke çem, gole û qenalê awe estî de bi desan kesî awe de xeniqîyenî. Emser Amed, Dêrsim, Riha, Êlih û sewbîna xeylê cayan de merdimî awe de xeniqîyayî û merdî.
Nê bajaran ra yew zî Riha yo. Seke yeno zanayene Riha de Çemê Firatî û Gola Barajê Ataturkî estî û tena aşma peyêne de 4ê ci domanî pêro pîya 11 kesî xeniqîyayî. Nînan ra tewr zaf baraj de xeniqîyayî. Tewr peynî 2 karkerê zîretî yê bi nameyê Nuray Karabûlûte û Gurbet Yamane seba ke honik bibî, kewtbî gola barajî û ewja de xeniqîyayî. Heto bîn de bextwaştoxo bi nameyê Habîb El Mehmet zî qenalê awe de xeniqîya.
Reyna bi nameyê Edîp Kiliç, Mûstafa Kiliç, Mehmet Altûn, Îsmaîl Demîr, Halîl Ekîncî, Nîmet Bedene, Sidika Yildirime, Elîf Naz Çobane de 8 kesê bînî zî tarîxanê cîya-cîyayan de Riha de baraj, qenalê awe yan zî çem de xeniqîyayî.
RIHA