Sûrîye de 2011 ra nata şerêko gird yeno cuyayîş. Hetê şerî de bi mudaxîlbîyayîşê hêzê mîyanneteweyî tayê pêvînayîşî zî ameyî /yenî kerdiş. Pêvînayîşê Cenevre na çarçewe de ameybî kerdiş û 23ê çileyî de yeno vatiş ke do Astana de zî tayê pêvînayîşî bêrî viraştiş.Endamê Meclîsê Ortaxî yê Taxa Şêxmeqsûdî ya Helebî Yasîr Tîtî qisey kerd.Tîtî va ‘ganî kombîyayîşê ke seba çareserkerdişê krîzê Sûrîye yenî viraştiş de projeyê demokratîke bêrî esasgirewtiş’ û wina domna: “Eke kurdî beşdar nêbî, yê ke beşdar bibî temsîlkarîya îradeya şarî nêkenî. Cok ra netîceyê ci de çareserîyêka demokratîke ke heme hetanê Sûrîye bigiro mîyanê xo, nêgeno binê temînatî. O wext qederê Astana zî do bibo sey Cenevre. Yê ke beşdarê Cenevre bîbî ti projeyê înan yê çareserî çinêbî. Hedefê nînan zî pawitişê menfîetê hêzê herême yo.”
Çareserî nêano
Tîtî dewamê qiseykerdişê xo de va ‘eke hêzê herême wazenî wa krîzê Surîye çareser bibo, o wext ganî hêzê ke temsîlkarîya îradeya Sûrîye kenî, dawetê kombîyayîşî bikerî. Teberê Sîstemê Federalî de ti sîstemêko bişînbo krîzê Sûrîye çareser bikero, çin o.
MIHEMED EBDO / ANHA / HELEB