Jû na mara kemî mende.  Puşiye biye kamiya ma yê nasbiyayene û hepis biyayene.
Wezîrê karê zerrî, Îdrîs Naîm Şahîn, endî bi jû qerar na mesela fermî kero.
Jû genco kurd, Cîhan Kirmizigul (Cihan Kırmızıgül), rîwalê puşiye ra 11 serrî ceza ceno.
‘Îlerî demokrasiya’ AKP na wa. Faşîzmê AKP endî eskera wo.   
Jû game mendake AKP Apartheid reso. Hevikê mendo.
Meste bêro Estemolde ke seweta kurdan otobusî birriyayî ra, sas mebê! Eke niya devam kerd, no hal jede dûrî niyo.
Astare kotî ra yeno?
Rejîma Hîtler yê faşîste seweta nasbiyayena yahudiyan jû astara vet bî. Namê na astarî kî, astarê yahudiyan nayî bî pa. Rengê xo zerd bî. Asma îlone 1939 ra tepiya herdê Polonya wo ke binê bandira almanan de bî, oca yahudiyan gune na astera giranê xora kerdene. 2 serrî naye ra tepiya kî hem Almanya, hemzî caye bînyê ke binê bandira Almanya de bî, oca no qanun vêrdenê ra.
Yahudî ebi na astare her ca de amenê naskerdene û niya ceriyenê zerre. Dima ruşniyenê qampan û amenê qetil kerdene.
Yê ma kurdan kî endî puşiye biya qederê ma yê merdene û mendene.
Polîsê tirkî jû biyayîs ra tepiya pê wendekarê kurdî, Cîhan Kirmizigul cenê. Çike Cihan puşiye esta xo vile. Jû kî sîstema ‘îlerî demokrasî’ de şahîdê nimiteyî estê. Guretena polîşî û îfada şahîda nimite serö Cihan 24 asmî hepisxane de mend. Dima hem polîs hem kî şahîda nimitiyê îfada xo yê verva Cîhanî vurnenê, vanê no numayîs de nêbiyo, ya kî îfada xora sik kenê.
La, seweta mehkemê ‘îlerî demokrasî’ nî îfadeyî tewa îfada nêkenê û 11 serrî ceza danê Cîhan Kirmizigul.
Hata 30 serrî. Dima ceza anê war ke, xo bi vijdan bimisnê, hakîmê bêvijdanî. Armancê hakîman ciwiyayîsî jû gencê kurdî, wesaynayen a, xirave kerden a. Puşiye ra girs delîl çîno seweta nî faşîstan.Tabî pêro mesela hakîman de niya. Hukumatê AKP nî qanunî virastê, hakîmê AKP nînan anê hurendî.
Hen zalimyê ke, nêverdanê ma vajîme, na dewa dewa puşî ya, dewa molotofkokteyl niya.
Na dewa de delîl zî şahîd zî, hukumat û qanunê tirkî yê.