Cenîya bi nameyê Vesîle Yuksele û domanê ci yê bi nameyê Arîn Mîrxan a 2 serrî û Avesta ya 4 serrî 21 Kanune de Mêrdîn de ameybî tepiştiş û dima ra neqlê hepisxaneyê Mêrdîn Tîpê E bîbî.
Yuksel seba ke medyaya komelkî ser de fotografê birayê xo yo ke merdo pare kerdibî û seba ke îfadeyê dozgerîye de vato “Ez PKK zey rêxistina terorî“ nêvînena bi domananê xo neqlê hepisxaneyî bî. Avesta û Arîn Mîrxan 5 rojî dayîka xo het de manenê, 2 rojî zî pîyê xo het de manenê.
Defterê xêzî zî amey girewtiş
Domanê ke mabêne keye û hepisxanede mendê na rewşe ra gelek tesîr benê û semedê aye zî waştena serbest veradayişe dayîke xo kenî. Arîne, wexto ke keye de ya wazena şiro maya xo het û wexto ke şina hepisxane wazena keye de bo. Avesta zî vana, “Mi hewke bîne meşrawê hepisxane.” Gardîyanî kewtê mîyanê koxişê ke tede bîyî û defterê resimî ke Avesta tede resimî xêz kerdê dîyî û sey ‘Planê remnayîşî’ dest dayê ser. Kitabê û resimê Avesta ci ra ameyî girewtiş. Avesta vana, “Ewca weş nîyo, ez wazena ke hem dayîka mi û hem zî heme embazî vejîyê.”
ŞÛJIN/MÊRDÎN