27ê Temmuza 2011î ra nata avûkatê Rayberê Şarê Kurdî Abdullah Ocalanî nêşênî ey reyde pêvînayîş bikerî. Nizdîyê 2 serrî yo ke Girawa Îmrali ra ti xebere nîna girewtiş; cok ra şar weşîya Rayberê Şarê Kurd Ocalanî ra etirîyenî.
Heta nika muracatê avûkatan bi mehneyanê ‘koster xirabe yo’, ‘rewşa hewayî baş nîya’ , ‘OHAL esto’ û sewbîna yenî astengkerdiş. Herçiqas ke mehneyê cîya-cîyayî yenî nîşandayîş zî avûkatê Ocalanî seba ke pêvînayîş bi hawayo israr muracat kenî.
Avûkatê Rayberê Şarê Kurd Abdullah Ocalanî Rezan Sarica, Serbay Koklu û Cengîz Çîçekî semedo ke muwekkîlê xo reyde pêvînayîş bikerî, serê sibayî reya 710. muracatê Serdozgerîya Komare ya Bursaye kerdî.
JINNEWS - STENBOL