Vera hêrişê dagîrkerîye yê artêşa Tirk û çeteyanê ci de çalakîyê Kurd û dostanê Kurdan zî dewam kenî. Her roje cayanê cîya-cîyayan yê Kurdîstan û Ewropa de çalakîyê protestoyî yenî viraştene. Na çarçewa de welatanê Avusturya, Almanya, Swîsre û sewbîna caya de çalakîyî ameyî viraştene.
Swîsre de Bîel û St Gallenî de bi seyan kesî vejîyayî meydanan û hêrişê dewleta Tirkî şermizar kerdî. Çalakîyan de bale ancîyaye xoverdayîşê Vakur û Rojhelatê Sûrîye ser û ame waştene ke wa hêzê mîyanneteweyî wezîfeyê xo bîyarî ca û vernîya şerî bigîrî.
Almanya de zî bajarê Stuttgart, Bocholt û xeylê bajaranê bînan de zî çalakîyî virazîyayî û Kurdî vejîyayî ziqaqan. Çalakgêran qala dagîrkerîya dewleta Tirkî kerde û veng da her kesî ke wa wayîrê Rojawanî bivejîyê. Heto bîn de bajarê Vîyana yê Avusturya de zî çalakîye estbîye. Çalakîye de siloganê ‘Qatil Erdogan’, ‘Cinî cuye azadî’ û sewbîna ameyî eştene û hêrişê dewleta Tirkî ameyî şermizarkerdene.
n BRUKSEL