Jew cayo ke 15ê Tebax ame bimbarekkerdin paytexta Îngilîstan Londra bi. Bi seyan welatijê ke bimbarekîn de ameyî pêser serkewtişê Minbic û 15ê Tebax silûm kerd. Bado zî hetûn televizyonê BBC yew şiyayîş virazîya û tecrîd protesto bi.
Gencan ra nûmayiş
Paytexta Swêd Stockholm de zî gencanê kurd bi şîyayişekê rengînî 32. serragêra 15ê Tebax bimbarek kerd. Gencê ke Îstasyonê Metroyê Slussen de are bî bi posterê gird yê Fermandarê hemle Egîdî û alayanê HPG û posterê Ocalanî ser Ceddeyê Gotgatan de şîyayişeke viraştî. Gencê ke tîşortê ser nuşteyî ‘Ocalanî rê Azadî’ xo ra day sloganê “Biciwe Serok Apo” û “PKK şar o şar tîya de yo” berz kerdî. Peycoy nûmayişkarê genc ke resyay Meydanê Medborgarplatsen bi goveng û sloganan 15ê Tebax bimbarek kerdî. Sûka Almanya Kiel de zî bi seyan Kurdistanijê ke bi wesîleya serragêrî amey pêhet bi coşekê gird bimbarek kerdî.
Hambûrg ra heta Oslo…
Yew nûmayiş zî sûka Almanya Hambûrg de virazîya. Kurdistanijan û dostan pê yew meşaleyin şiyayîşa roşanê xelisnayîş bimbarek kerd. Şiyayişo ke rayveriyê Ciwanen Azad de virazya, faşşistan waşte ke provokasyon vecî la gencan destûr nêda. Paytaxta Norveç Oslo de zî roşanê xoverdayîş bimbarek bi. Çalakvanan tecrîd rê hêrsê xo arde zûn û waşte ke berê Îmrali abiyo. Hûnca Fransa û xelyek welatan bînan ê Awrûpa de zî 15 ê Tebax bimbarek bi sozê berzkerdene tekoşînî diya.
NAVENDÊ XEBERAN