Qetlîam bi rojano sûkanê Almanya de yena lanetkerden. Roja verî zî sûkanê Aurîch, Nîenbûrg û Hannover de Kurdistanijî vejyay meydanan, bi vistrayişê mûm û çîçegan qurbanîyanê qetlîam protesto kerdî. Nûmayişan de vajîya ke verpersîyarê qetlîam AKP û Tayîp Erdogan o. Nûmayişî de herzewbîn vilavokê Nav-dem ame wenden. Welatijan bi slogananê “Qehir be AKP” û “Kiştox Erdogan”nêrazîbîyenê xo pîyakarîya AKP û DAIŞ rê damûsnay. Ewro seat mavêna 14.00 û18.00 de Hannover de hetê Meclîsa Ronahî yê Cenîyan standê enformasyon yeno ronîyeno.
“Tirkîye fînanse kena“
Sûka Almanya Munîh de kî qetlîama Dîlok amê protestokerden. Nûmayişa ke hetê Meclîsê Civaka Kurd û Hereketê cenîyan virazîya de bi desan kes tewr bî. Herzewbîn MLPD, DIDF Munîh, DKP, ODP û xêlê rêxistin û sazgehanê cîya desteg day nûmayiş. Qisey û mesajan de vajîya ke pey qetlîam de paştdayoxê DAIŞ hikûmeta AKP esta. Nûmayişkaran sloganê “Kiştox Erdogan”, “Tirkîye fînanse kena, DAIŞ dana piro” berz kerdî.
Paytexta Fransa Parîs de kî Meclîsê Civaka Kurd yê Drancy zî tecrîdê ser Ocalan û qetlîama Dîlok bi nûmayişeke protesto kerdî. Kurdistanijê ke ver şaredarîya Drancy amey têhet bi kefenê sembolîk ke ser de “Dîlok” nuşîyabi destpa rayşîyayişî kerdî. Nûmayişkarê ke sloganê “Kiştox Erdogan, kiştox AKP”, “Ocalanî rê azadî” berz kerdî rayîrî trafikî rê girotî. Nûmayişkaran derheqê qetlîam û tecrîdî de bi Franskî vilavokî kerdî vila.
ANF/NAVENDÊ XEBERAN