Kongreya Civaka Demokratîk ê Kurdistanijanê Ewrûpa (KCDK-E) bi îzahatekê nuşteyî hayr ant 18 serrîya Komployê Mîyanneteweyî ya ke hemverê Rayverê Şarê Kurd Abdullah Ocalanî de virazîya ser. KCDK-E vist vîrî ke şexsê Ocalanî de wazîya ke tekoşîna serbestî û îradeyê pêrokîn şarê Kurd hesîr bîro girotiş û va, “Komplo seba tefênayişê (weşaynayenê) adirê azadî û omidê şaranê Rojhelato Mîyanên, seba vetişê lejeko (şer) bi serran gameke bi.”
Ray û raybazanê qilêrîn
KCDK-E aşkere kerd ke Rayverê Şarê Kurd Ocalan ke ferqê na rastî de bi, Îmrali de dînamîkê dewamkerdişê têkoşînî rona, seba ameyoxî xerîtayeke teslîmê şarê ma kerd. Îzahatî de hayr ancîya hewldayenê ronayişê sîstemekê alternatîfê neteweya demokratîk yê Ocalanî ser û wina vajîya: “Rîwalê na rastî quwetê mîyanneteweyî û dewleta Tirk a kolonyalîst komployî eve her ray û raybazanê qilêrîn ramenê. Rayber Apo ke rayberîya ci hetê mîlyonan kurdan ameyo qebûlkerdiş, hesîr yeno girotiş û taloke ser cuya ci esta. Parlementer û pêşengê şarê kurd tepêşîyenê, sazgehê civaka sivîl yew bi yew yenê padayîş. Enê pêrokînî nimûneyî îşaretê domnayişê komployî kenê. Cok ra ver vetişê komployî, hendê cuyî muhîm o. No seba şarê kurd û pêrokîn şaran tekoşîna mayiş û nêmayişî ya. Tekoşîna mavêna barbarî û demokrasî ya.”
Spanya ra heta Arjantîn…
Îzahatê KCDK-E de vajîya ke çareserîya demokratîk ya meseleya kurd û Tirkîye de ronayişê sîstemeke demokratîk bi qedera tekoşînî ra girêdayî ya. Çarçoveyê na raştî de KCDK-E ra pîya pêrokîn componentê (pêkhateyî) ci dê bi şîyara ‘Ocalanî rê serbestî, Kurdistanî rê statu’ roja 1’ê Sibate (gucige) bi dostanê şarê kurdî ra pîya meşê dergî organîze bikerê. Mavêna 1-15’ê Sibate de meşê dergî dê virazîye û Kurdistanijan ra pîya bi desan dostê ci yê namdar tewr bibê. 1ê Sibate de qolê enternasyonalîst do Luksembûrg ra vera Strasboûrg destpa meş bikero. Dostê kurdan ê welatanê Spanya, Portekîz, Elmanya, Îngilîstan, Swêd, Îtalya, Belçîka, Fransa, Fînlandîya, Swîsre, Arjantîn û xêlê welatanê bînî ra kesê namdar dê tewr bibê. Qolê bîn zî do bi pêşengîya gencan de 5ê aşmê de Almanya ra destpa bikero.
Herzewbîn mavêna 1-15’ê Sibata de do Elmanya, Swîsre, Fransa, Îngilîstan, Hollanda, Belçîka, Yewnanîstan, Kanada, Awûstralya, Japonya, Danîmarka, Norwêc, Swêd, Romanya û Fînlandiya meşê dergî û mîtîngî virazîye.
‘Bêveng nêmanê!’
KCDK-E îzahatê xo de veng da Yewîya Ewropa, Konseya Ewropa, Neteweyê Yewbîyayeyî û sazgehanê bînî yê mîyanneteweyî ke hinî hemverê polîtîkayanê çinîkerdişî yê dewleta Tirkîye yê dûştê kurdan de bêveng nêmanê. Îzahatî de herzewbîn veng dîya kurdan û pawitoxanê heqê mordeman û çormeyanê demokratîk ke tewrê nûmayişan bibê.
Teqwîmê nûmayişan
Teqwîmê nûmayişanê ke welatanê Awrûpa de virazîyenê wina yo:
HOLLANDA: 1’ê Sibate seat 11:00 de ver bana Şaredarîya Rotterdamî de, dê nûmayişkarî bîrê raykerden. Nûmayişkarî dê 2’ê Sibate de biresê sûka Den Haag ver Parlementoyê Welatî û nûmayiş do tîya de biqedîyo.
SWÎSRE: Cenew de 2’ê Sibate de meş seat 11:00 de Jardin Angalis de destpa kena. Lozan de 3’ê Sibate de, seat 11:00 de Place de Marche de, Bern de 4’ê Sibate de, seat 11:00 de vernîya Parlamentoyê sûk de startê meşî yeno dayen.
FRANSA: 1’ê Sibate seat 10:00 de ver bana Şaredarîya Villeneuve St. Georges,
Almanya de rêze çalekî
ELMANYA: Berlîn; mavêna 1-3’ê Sibate de Postdamm Hauptbahnhof de seat 11:00, Hambûrg;1ê Sibate seat 10:00 ver S-Bahnhof Neugraben, Bremen; 2ê Sibate seat 09:30, ver Hude Bahnhof, Hannover; 1’ê Sibate, seat 10:00 ver HBF a Hîldesheîmê, Dortmûnd; 2’ê Sibate, ver Kaiser-Wilhelmstrasse ver Navenda Civaka Demokratîk yê Dûîsbûrg, Koln-Dusseldorf; 2’ê Sibate seat 10:00 ver merkezê FEDA, Kassel-Erfûrt; 1ê Sibate, seat 13:00 ver Zoopark, Maînz-Wîesbaden; 1’ê Sibate, seat 09:00 Lûîsenplatz-Darmstadt, Stûttgart; 1’ê Sibate, seat 09:30 Klîanplatz-Heîlbronn, Munchen; 1’ê Sibate, seat 09:30 vernîya Dachaû Haûptbahnhof,
ÎTALYA: Mîlano; Panelê ke 27’ê Çile de dest pa kerdî, dê heta 11’ê Sibate xêlê sûkanê Îtalya de biramê. 11’ê Sibate, Mîlano de meş virazîyena.
AWÛSTRALYA: Melboûrne; 7’ê Sibate seat 11:00, Fedarion Squeden
KANADA: 15’ê Sibate, seat 12:00 Woodbridge
BELÇÎKA: 7ê Sibate, seat 11:00 Rue de Hodimont 51, 4800 Verviers
ÎNGLÎSTAN: 11’ê Sibate, seat: 13:00, Croydan.
DANÎMARKA: 10’ê Sibate, seat 10:00 Karslunde/Brøndby Strand
SWÊD: 11’ê Sibate, seat: 10:00, Märsta/Sollentuna
AWÛSTÛRYA: 1’ê Sibate, seat 09:00, St. Polten de meş û mitîngî yenê viraştiş.
NAVENDÊ XEBERAN