FERHAT ÇELÎK / MA/STENBOL
Avûkatanê Buroya Huquqê ya Asrinî Omer Hayrî Konar, Hamîlî Yildirim û Veysî Aktaş seba vera muwekelê xo Rayberê Şarê Kurd Abdullah Ocalanî îxlalê heqê merdiman ser o, serpiro AYMî kerdê. Serpirodayiş de ame vatiş ke tewro heqo muhîm dadgehî ra resayîş yeno astengkerdiş û qerarê AÎHMî de yeno vatiş ke her kes seba pawiyayişê xo, heqê ci esto ke xo biresno dadgehî.
Cezaya dîsîplînî bi keyfî yeno dayiş
Hewna serpirodayişê avûkatan de ame vatiş ke taybetî mîyanê 15 aşmî de bi sistematik cezaya nêpêvînayişê malbatî yena dayiş. Avûkatan zî nêeşkenî biresî cezayê dîsîplînî, cezayê dîsîplînî teberê dariznayişî de ameyî veradayiş. Eke agahîya avûkatan cezayê dîsîplînî ra bibiynê eşkîyaynê bi rehetî muwekîlê xo bipawî la belê bi kerdişê xo, huquqo negatif şuxilnenê.
Avûkatan serpirodayişê xo de aşkera kerdî ke dosyaya dîsîplînî nimnayiş, heqê resayîşî de şertê huquqîye de cayê xo nêgeno. Çi heyfo ke sewbî kesan de bêhuquqîye na mîsal nîno kerdiş, tena vera muwekîlê înan de na bêhuqîye yena kerdiş û no zî heqê dariznayişî yê adîlî ra çewt o.