ŞÎRÎN MIHÊDÎN / ANHA / KOBANÊ
Rayberê Şarê Kurdî Abdullah Ocalan 15ê Sibata 1999î de bi hawayo korsanî hetê dewleta tirkî ra ameybi remnayene û o wext ra nata tecrîdêk reyde têrî yo. Bitaybetî nê çend serrê peyênan de no tecrîd ameyo giran kerdene û ti xebere Ocalanî ra nîna girewtene.
Heme muracatê pêvînayîşî bi mehneyanê tewir bi tewiran yenî asteng kerdene. Cinîyê kobanêyijî derheqê nê tecrîdî de qisey kerdî û reaksîyon nîşan dayî. Cinîyan ra Heyfa Hesene va ‘Ocalan seba azadîya şaran têkoşîn da û cok ra ame remnayene’ û wina domnaye: “Esîrîya fîzîkî nêşêna fikir û felsefeya Ocalanî asteng bikera. Dewleta tirkî bîlasebeb hêrişê kurdan kena, labelê ma tanq û topanê înan ra nêtersenî.”
Dayîka Zehra Ehmeda 70 serreyî zî wina va: “Dewleta tirkî ya dagîrkere bîlasebeb Rayberê ma tewqîf kerda, labelê ma do Rayberê xo azade bikerî. Rayber Apoyî ma azade kerd, ma zî do azade bikerî.” Asîya Mihemede zî daye zanayene ke Ocalanî bi fikir û felsefeya xo cinîye azade kerd û wina dewam kerde: “Ewro Erdogan har bîyo û wazeno kurdan çinî bikero. Tena waştişêkê mi esto, o zî azadîya Rayber Apoyî ya.”