Dewê ke girêdayeyê herêma Balekayatî ya Hewlêrî de yî de dewijî karanê xo bi hawayo komunal kenî. Dewanê herême ra dewa Rustê de dewijî heme karanê xo bi hemparî kenî. Dewijê ke nika xele çînenî, seba nê karî bîyî 3 grûbî.
Grûbêk xeleyî çîneno, grûbêk arê dano û grûba bîne zî keno qevde. Çînayîş, arêdayîş û qevdekerdişê xeleyî de cinîyî zî werd û çay virazenî û karê xo kenî. Dewijan ra Emer Ebdulrehman dîyar keno ke herçiqas ke kar zehmetin o zî ê pîya hem deyîran vanî û hem zî henekan kenî û bi no hewa betilîyayîş xo vîra kenî.
Bextîyar Yasîn vano ‘ma ciwanî goreyê jêhatîya xo mîyanê xebatanê komunî de ca gênî’ û wina domneno. “Ma ciwanê dewe destek danî yewbînan û hetkarîya yewbînan kenî. Wexto ke kesêk beşdarê xebate nêbeno, yê bînî nêcigirîyenî.” Mam Osman zî wina vano: “Ez Balekayetî de cuyena. Bi serran o ke ma karanê xo bi hawayo komunal kenî. Çi kar bibo, ma pêro pîya kenî. Bi no qeyde têkilîyê ma benî qewetin.”
ROJNEWS / SILÊMANÎ