Îdrîs Baluken demê çareserîni ser DÎHA rê qisey kerd û vat ki AKPya nêeştina gamanê pratîka, peyniyê xo kena hedre.Baluken ard ziwan ki AKP cayê gamanê pratîk çekiro de, êrişê HDP kena û bi destê artêşa provokasyonan fînena dewre.

Baluken damûsnayin ki AKP demê çareserîn cemidinayo û wina vat: Eleqeyê girdê qandê HDP, AKP vist miyanê panîkê girdî. Hesabê serokîn ê Serokkomar Tayîp Erdogan xeripiyenê. Coka AKP demê çareserîn vindarnayo.Baluken dazanayin ki pêdiyinê peyin ê Îmralî de, derheqê Heyeta Çimdarîn û gamê gerek çebiyê ser, mutabakatê vejiyabi werte û wina vat: “AKP anketan de veracêr şiyayinê xo dî. Ewna ki eleqeyê qandê HDP beno vêşî. Nay ser Erdogan kewt dewre. Vatenanê Erdogan ê derheqê kombiyayişê Saraya Dolmabahçe ser, demê çareserîn bi temamî cemidina. AKP şaşînê gird kerd. Peyniyê anketan rast nêwend. Aqilê xo kerd vinî. Ma bi xo rayê diyalogî akerde tepişenê û wazenê mudaxele bikirê. La belê AKP îşaret nêdana. Merheleyê badê vinîkerdinê aqilî, qomayo. Şima jî zanê badê qoma jî, merdin esto. Bi vatena bîna, AKP bi cemidinayinê demê çareserîn, peyniyê xo kena hedre.” Baluken ard ziwan ki înan hefteyê ravêrdin qandê şiyayinê Îmralî û ronayinê Heyeta Çimdar muracadê rayveranê hukumetê AKP kerdo û vat:” La belê hetanî nika, AKP peyser nêageyrê. Alîkarê Serokwezîr Yalçin Akdogan îdîa keno ki, înan rîsk giroto. Qandê çareserîn heme çî kenê.  La belê rast nêvano. AKP rîsk nêgena, tersê ci, dînamît kena binê demê çareserîn. Gerek AKP rojê ravey enê siyasetî vindarno û ageyro masey ser û dest bi muzakereyan bikiro.”

Endamê heyeta Îmralî û namzedê HDP ê Amedî Îdrîs Baluken vêşîbiyayinê hereketê lejkerî û êrişê vera HDP jî, zey leteyê siyasetê AKP hesibina û wina vat:” AKP wazana, bi raya qişlayan mudaxeleyê tabloyê siyasî bikiro. AKP qandê tabloyê siyasî bivurno, artêş vista dewre. Artêş demê adirbirnayn ra na kişt, hetanî provokasyonê Agirî-Giyadîn, goş nêdayê fermanê hukumet û waliyan. Xora badê provokasyonê Agirî, rayveranê lejkerî eşkere kerd ki, înan hukumetî ra ferman giroto. Zafbiyayinê hereketê lejkerîn ê rojanê peyinan ra jî hukumetê AKP mesûlo. Senî ki AKP ewna meseleyê bend ê HDP nêmendo, tifîngî vistî dewre û wazena îradeyê weçînayoxan bivurno. “