Parlementerê HDP ê Amed û Azayê Heyetê Îmrali Îdrîs Balukenî Konseya Awrûpa û Parlementoyê Awrûpa de pêdîyayişan viraştî. Pêdiyayişan de Kurdistan de herîşê ke zêdiyene, tayînê qeyûmî, wezîfe ra eştişê emegdaranê perwerdeyî û qetlîman de zûnayîş dîya. Balukenî da zûnayene ke pêdîyayişan de tecrîdê ser Ocalanî zî gerîyo dest û ûna dewam kerd: “Îdarekaranê Awrûpa ardî zûne ke ê mesaja Ocalanî mûhîm vînenê û cewabê hukumetî meraq kene. Ma zî nayî ser de vist vîrî ke roja ke mesaja Ocalanî amê, hikumet derbeyê qeyûmî viraşt. Balukenî arde zûne ke înan waşto ke Awrûpa heyetan bieşrawo Tirkîye û semedê wedartişê tecrîdî bikewo hereketî.
‘Goş Ocalan seraniyen’
Per bîn ra ê ke herinde mergî de kişta haştî de ca gene wahar mesaja haştî yê Ocalanî vecîyene û wazene dewlet vera nayî gûm bierzo. Dadîyanê Roboskî, ê ke Şirnex Qileban de 28 Kanûnê 2011 de hetê tiyaranê lejî ra 34 qijê înan qetil bibî zî waştî ke dewlet goş na mesaj serano. Dadiyan vistî vîrî ke ê zî sey Ocalan tim haştî wazene û vat zerrê înan veşo wa êr ra tepîya zerrê dadîyan bînan mevêşo. Dadiyanê Roboskî mesaja Ocalanî arde vîrî û vatî eke goş bidîyo na vengdayîşî hinda gonîya gencan nêrijyena, no zî vernîyê haştî keno a.
ANF / STRASBÛRG