Di banga lezgîn de hate gotin ku herêmên xweser ên Rojavayê Kurdistanê ku bûye deverên herî bi ewle ya ku şêniyên Sûriyê yên ji herêmên xwe koçbebûne lê bi cih bûne. Di berdewma peyamê de hate gotin ku herêm rastî êrîşên komên çete yên wekî DAIŞ, Cebhet El-Nusra û herwekî din domandin û wiha hate gotin: ''Di heman demê de welatên cîran deriyên sînor goritine û ambargoya li ser herêmê zêde kirine. Ji ber vê yekê gelê herêmê zehmetiyan dikşîne ku pêdiviyên xwe yên jiyanî yên wekî derman û madeyên xwarinê peyda bike.''

Di berdewma payama lezgîn de hate destnîşan kirin ku hate ku alîkarî ji sazî û dezgehên mirovî pir dereng man û wiha hate domandin: ''Alîkariyên ku di demên dawî de gihiştin herêmê ji ber ku bi awayekî wekhev nehatin belavkirin tu fayde li gelê herêmê ne kirin e. Pêdiviya gelê me bi alîkariyên lezgîn hene, niha ji ber ambargoyê gelek welatî nikarin pêdiviyên xwe yên jiyanî peyda bikin.'' Di peyamê de panga lezgîn li komele û rêxistinên mirovî yên herêmî û navnetewî,her wiha Heyva Sor a Kurdistanê hate kirin ku piştgiriya herêmên xweser ên Rojava bikin û alîkariyên mirovî yên lezgîn bişînin herêmê da ku dawî li koçberiya welatiyan bê. 

KOBANÊ