Şar vera êrîşanê dewlet, serva xo pawitinê yew het ra barîqatan runêno, heto bîn ra zî quwetanê xo yê pawitini keno gird. Serva sivîlan dewlet ra bipawo, badê taxa Firat, taxanê Dîcle û Şehît Cegerxwîn de zî YPS amê îlankerdin. Taxan de cayê navendî de, asayişî amê ronayin.
Azayê YPS ê Nisêbîn Cudî Rezan ard ziwan ke Asayîş hetê şar ra amêya îlankerdin û azayê iyê zî şarê taxanê. Rêzan derheqê hedefê asayîşê de zî wina vat: "Hedefê asayişî vera saziyanê dewletê, çareserkerdinê meseleyanê şar û biyayişê alternatîf o.”
Hewcedariyê şarî bi dewlet çinyo
Cudî Rêzan eleqe ant îlankerdişanê rayverînê xoser û vat: Dewlet bi ‘qedexe’ û êrîşan cayê wêşî yê şarî kerdo teng. Ê zî bi xoverdayîşê xo, vera êrîşan wazênê bibê cewab. YPS û YPS-Jin zî seba enê amêy îlankerdin. Çi ke vera êrîşan bê tekoşînê tifingîn rayê ke bîn nêmendo. Lingê gird ê xorayverîn zî xo pawitino. Badê YPS îlankerdinê YPS-Jin zî binê asayîşê yeno runayin.Cayê xo pawitanan de şar saziyanê dewleti red keno. Serva çareserkerdinê meselayên şar zî noxteyê asayîşê muhîmê."
Rêzan pêyniyê qiseyanê xo de eleqe ant ser saziyanê dewlet zî û vat: “Hewcedariyê şarê ma bi saziyanê dewlet çinîyo. Vera ablûqayê dewlet, xoverdayîşê şar rameno. Şar nobeda xo gêno. Ma semedê meseleyanê şarê xo çareser bikerê, kar kenê".
DÎHA/MERDÎN