Çetê DAÎŞ’ê Ewropa de seyî xo rêxistin keno? Pê rayîrê kamî yeno rêxistinkerdiş? Çeteyan seyî şiravenê Rojava?
Kam pereyan dano çetê DAÎŞ’ê? DAÎŞ zêdeyîr ser qijan(tut,domam) kamî kar kenê?
TÎKA çîya?
Wexto ke mi ser nê persan cîgerayîş kerd vejîya werti ke, pêronê rayîran vejîyê Türk İşbirliği ve Kalkınma Ajansı(TÎKA).
TÎKA yew rêxistina dewleta Tirka. Serra 1992’an de ameya awankerdiş. Teberê Tirkîyê de çi camî, çi dezghên hetkarî, çi komal, çi mekteb, çi şîrket, çi waqifê Tirkî estî girêdayî TÎKA’yê. Pê sermayê TÎKA no dezgeh yenî awankerdiş û akerdiş.
Dewleta Tirk giranî pê TÎKA û dezgehên girêdayî TÎKA hayî yanî îstîxbarat arî kena. Karê bazirganî(tîcaret) kena. Karê îstîxbaratî kena. Dewleta Tirk pê TÎKA û şaxê TÎKA zê camî, komal, mekteb, qonsolosxanê, şîrket û waqifan qijan, ciwanan û şarê bîn ra eleqê virazena. Zerrê nayan de tayî kesanê gorê xo rêxistinkena û seba(qey) xo dana şixulnayîş. Yanî ling, goş, çim, ziwanê û mezgê dewleta Tirk yê teber TÎKA’ya.
Dewleta Tirk bi rayîra TÎKA’yê teber de zê tor xo rêxistin kena û zê kok(ristim) xo ca kena. Serwerê ke TÎKA arda na merhela zî serokê MÎT’ê Tirk Hakan FÎDAN’o. Hakan FÎDAN’î verêcu TÎKA û şaxê TÎKA pêronê welatan de rêxistinkerd. Dima ra ser nayê bi serokê MÎT’ê Tirkî. Rûtbê FÎDAN hina berz bi.
Nika zî dewleta Tirk ser TÎKA’ye çetê DAÎŞ’ê T.C rêxistinkena û çeteyan şiravena Rojava û hemberê şarê Kurd dana şerkerdiş.
Bi teybet Ewropa de nê çîyan kena. Bi teybet bi rayîrê wezîfedarên camî, komal,waqif, mekteb û şîrketanê Tirk ciwanê Kurd bin name dînê Îslam de rêxistinkena, kena dişmenê Şarê Kurd û şiravena Rojava’yê Kurdistanê. Wezîfedarên Tirk verêcu yew bi yew ciwanê Kurd yê ke pirsgirêkên înan estî keşîf kena. Derheqê înan de hayî kam kena. Ciwanê ke dayî û bawê înan cîya bîye, ayê ke kewtî rayîrê xirab, kewtî zîndan, qûmar û otomat kaykenê yew bi yew înan ra eleqê virazena.
Mavajê çend ciwanê Kurd şîyê qûmar û otomat kaykerd o, peyêne de pere vînkerdî. Wezîfedarên Tirk şinê nê ciwanan re qal kenî, deynê înan danî, mecbûrê xo kenî û dima ra kenî dişmenê keye înan û Şarê Kurd û hina şiravenê Rojavayê Kurdistan.
Reyna mektebanê Ewropa de mamostê(melimê) Tirk yew bi yew ciwananê Kurd yê ke zaf welatparêz nîyê înan ra eleqê virazenê, hedî hedî musnenê xo û dima ra bi nimite şiravenê camîyê Tirkan, uca de rêxistin kenî û dima ra şiravenê Rojava.
Zobî ciwanê Kurd ayê ke Ewropa de kewtî zîndanan înan tesbît kenî û ayê ciwan seyî zîndan ra vejîyenê verêcu înan benî camîyê xo, dima ra kenê çeteyên DAÎŞ’ê T.C.
Dewleta Tirk pê nê rayîr û rêbazan çar parçe Kurdistanê de ciwananê Kurd hember HPG-YPG-YPJ-Pêşmerge û Şarê Kurd dana şerkerdiş.
Eger şarê Kurd dezgehên Tirkan zê camî, komal, waqif, şîrket, mekteb û wezîfedarên Tirkan ra eleqêyê xo nêbirno, ê nê çîyê dewam bikerê.
Gera Şarê Kurd yew qijê xo nêşiravo camî, komal, mekteb, şîrket û waqifê Tirkan.
Şarê Kurd eger qij û domanê xo bişiravo camî, komal, mekteb, şîrketanê xo qijanê înan zî nêbenê çeteyên DAÎŞ T.C. Wexto ke Şarê Kurd hina bikero, qij û domanê ma zî seba Kurd û Kurdistan xebat kenî.