Duran Kalkan o ke, bernameyê ‘Polîtîk Alan’ yê Med Nûçe de qisey kerd, mesajê muhîmî day. Kalkan’î hayr ant xoverdayişê bakûrê kurdistan ser, û vist vîrî ke, AKP serva-qandê ke şarê kurd teslîm bigîro, heme îmkanê dewlet visto dewre. Duran Kalkan’î eleqe ant êrişanê dewleta tirk ê Sûr ser û vat: Dewleta tirk hem namerdîn kena, erzena ser şarî û hem jî werzena PKK sûcdar kena.
Bi tanq û topan êriş kenê û erzenê ser PKK
Kalkan’î hayr ant êrişanê qûwetanê dewlet ser û wina va: ‘AKP operasyonê qirkerdinê kilturî ramena û werzena vana PKK kerdo. Camiya Kûrşûnlû veşna û peycoy va, PKK camî veşnaya. Çormeyanê mehleyan gênê. Bi tanq û topan êriş kenê, keyeyan veşnenê, welatijan koçber kenê û bado vanê PKK kena. Helbûkî ê bi xo vanê, mayê kurdan biqedînê. Azayê Komîteyê Rayverîn ê PKK Dûran Kalkan’î aşkere kerd ke, sivîlê ke weşîya xo kerdo vinî, şehîdê kurdistaniyê.
Şima qalê kamcî birayin kenê?
Kalkan’î bi nê vatenan cewab da vatenanê sermiyananê dewleta tirk ê zey ‘kurdî hezar finî jî sereyê xo hewadê, mayê sereyê înan bikuwê: “Eke ti biwazê, hezar finî bikuwê, no şar zî do bi xoverdayiş, to birişo cayo ke, ti verê hezar serran ameyê. Hinî-endî vatena birayinê şaran ê hezar serran zûrrî ya. Şima qalê kamîn birayin kenê? Ez şarê tirk ra pers kena, birayinê kurd û tirkan kotî de mend? Mêrdeko vano, ezo sereyê şima bikûwî. Ma vengê kesî vejiya? Herkes bê veng o. Vanê hezar finî jî, sereyê xo hewadê, mayê sereyê înan bikuwê. Ezo jî nay vana, no şar zî, do to biqewirno, cayo ke ti verê hezar serran ameyê.
Bê xoverdayişî zewbî ray nêmenda
zayê Komîteyê Rayverîn ê PKK Dûran Kalkan’î peyniyê qiseyanê xo de zî qalê muhîmînê xoverdayişî kerd û wina vat: Wa kes, teslîmiyet, xiyanet, binkewtin û serre nimizkerdin zey çare nêvîno. Bê azadî û sîstemê demokratîk, cuyayiş çinyo. Raya nay jî, rijnayişê faşîzm û qirkerdino. no zî bi xoverdayiş beno. Bê xoverdayişî zewbî ray çinîya. Xoverdayiş cuwuyayişo.
ANF/BEHDÎNAN