Bedrettîn Kavak 20 serrî zêdeyîr hepisxane dewleta tirk de mendo. Hepisxane Amed de mendo. Hepisxane cîya cîya de mendo.Zulm û îşkence dîya. Labelê fek dewayê azadî ra verenêday o. Teslîm nêbiyo. Ver zulm û îşkenceya dewleta tirk weşîya xo zî xirab bîya. Derman bîyêne.
Bedrettîn Kavak, zulm û îşkenceya dewleta tirk ra remabi şi bî Ewropa. Nika zî dewleta Almanya, Bedrettîn Kavak tepişto û berdo hepisxaneyê Hamburgî.
Devleta Almanya nê rojan de tena Bedrettîn Kavak nêtepişto. Ehmet Çelîk zî tepişto û eşto hepisxane. Mehmet Demîr zî ceza kerdo.
Dewleta Almanya pê nê nêzdîbîyayîşê xo wazena se bikero?
Şarê Kurdê ra se wazena?
Çira hetkarîya dewleta tirk a dagirker kena?
Ma zanenê dewleta Almanya serra 1835’î nat ser dewayê Kurdîstanê de hetkarîya dewleta tirkîye kena.
1835’de General Von Moltke û Molbehc înan benî şewîrmende dewleta osmanî. Aqil danê dewleta osmanî. Dewleta Osmanî pê aqil û fikre înan 2 artêş Kurdîstanê de awankena. Yew Meletî de yew zî Xarpêt de awankena.
Her 2 artêşê Osmanî bin qumandarîya Moltke, Molbech û Hafiz Paşa înan de ser Kurdîstanê seferanê eskerî kenî. Amed, Behdînan, Botan û Xerzan de komkiştişan kenî. Bajar û dewanê Kurdan talan kenî û veşnenî. Dadî û babayan kişenî. Bi zordarî ciwananê kurd tepişenî benî kenî eskerê dewleta osmanî.
U tarîxî ra hetanê nika sîsteme dewleta ayo ke hem hetê dewleta osmanî hem zî hetê dewleta tirk a nikayîn de yeno ramnayîş, u sîstem dewleta almanya ronayîna yo.
Yane dewleta almanya û dewleta tirk 180 serrîya hetê sîstem û menfeetê dagirkerî de ser Kurdîstanê de yew sîyaset ramnenî. Dişmenîya kurdan de dewleta almanya û dewleta tirk cîya cîya nîye.
Pîya hereket kenî. Xora dewleta almanya hemberê şarê kurdê de 1985 ra hetanê emserrî zî piştîya dewleta tirk gena.
Dewayê Duseldorfî de sîyasetmedarên kurdê girewtî bî û mehkema kerdî bî. Serranê 1990’an de panzer, tenq û G3-MG3 û tewir tewir çekên bîn dabî dewleta tirk û dewleta tirk zî pê nê çekan Kurdîstan de komkiştiş kerdêne.
Hetta dewleta almanya 100 hezar zêdeyîr sîlehê keleşînkof bi beleş dabî dewleta tirk.
.Hewe ewwîlî dewleta almanya PKK girewtî bî lîsteya terore û qedexe kerdî bî.
Dewleta Almanya nika zî pê tepiştişê sîyasetmedarên kurd sey Ehmet Çelîk û Bedrettîn Kavak înan destek dana dewleta tirk. Şarê Kurd hemberê çeteyên DAÎŞ’ê dewleta tirk pawitişê pêronê însanetî keno.
La dewleta almanya û dewleta tirk pîya hêrîşê şar û sîyasetmedarên kurd kenî. Pê nê hêrîşkarîyê piştîya çeteyên DAÎŞ’ê T.C gênî. Zobî ti mane nê hêrîşê çino.
Eger dewleta almanya Bedrettîn Kavak, Ehmed Çelîk û Mehmet Demîr înan verenêdo, yeno nê mane ke hetkarîya çeteyên DAÎŞ’ê T.C kena.
Dewleta Almanya hina kena, labalê gera şarê kurd zî wayîre sîyasetmedarên kurd bivejîyo û bi rayanê tewir tewir dewleta almanya şermezar bikero. Hetanê sîyasetmedarên kurd nêyenê veredayîş, çalakîyên şermezarkardişê sey şitê dadîyanê ma helalîyê.