Belgefîlm hetê Yol TV û Federasyonê Yewîtîya Alewîye Almanya ame hadrekerdiş. Belgefîlmo ke 3 beşî ra yo, aşma Çile yê 2016î de qediyeno.
Demê Osmanijan de alewî
Rojnameger û viraştoxê belgefîlm Fuat Ateş’î da zonayen ke, ê seba belgefîlmî demê-wextê derg Başûrê Amerîka, Arjantîn û Şîlî de xebat kerdî û zaf hûmarîy de belge û wêne kom kerdî.
Ateş vano: “Fikrê antişê no belgefîlmî, destpêkerdişê şerê Sûrîye ra dima vejîya meydanî. Verê 200 serrî demê Osmanijan de alewî teda, zilm û qirkerdişî ra remayî û şiyê Amerîka ya Vaşûr. Nika yeno taxmînkerdiş ke demê Osmanijan de nêzdî 20 mîlyon kesî koçê parzemînê Amerîka ya Vaşûr kerdî û nînan ra nêzdiyê 3 mîlyonî zî alewî yê. Alewîyê Amerîka ya Vaşûr peynîya şerê Sûrîye hîna hîsgêr bîyî û înan reyde têkilî ronayî. Ma zî rewşa Alewîyê Arjantîn û Şîlîye belge kerd.
Amerîka de komeleya sifte
Arjantîn û Şîlî ra piya, Brezîlya, Bolîvya û Venezuella de zî zaf hûmarîy de Alewîyê erebî cuyenî.” Fuat Ateş‘î qalîkerdişê xo de hayr ant alewîyan ser û wina vat: “Alewî sifte komeleya xo serra 1930’î peytexta Buonos Aîresê Arjantînî de saz kenî. Komeleya ke ma nêresayî esta û serra 1920’î de San Pauloya Arjantînî de ameya ronayîş. Nika taxmînî 40 komeleyê înan estê. Alewî yê Amerîkaya Vaşûr hema zî kultirê xo vînî nêkerdî. Hema zî erebî qise kenî û îbadetê xo zey Sûrîye û Lubnan de vejîyayî, kenî. Nika nesil-nifşê 4. ê alewîyê Amerîka ya Vaşûr de cuyeno. Taybetê gureyê pawitox, doktor û burokratî kenî. Mabenê serranê 1988 û 1989’an de serokê Arjantînî jew alewiyo bi nameyê Carlos Menem’î kerdo. Demê osmanijan de kesekî koçê Amerîka ya Vaşûr kerdî înan ra El Turco yeno vatiş.” Fuat Ateş peynîya qalîkerdişê xo de dano zanayiş ke, alewîyê Şîlî û Arjantînî bi coş û heyecanî no belgefîlmî pawenî.
NAVENDÊ XEBERAN