Şen der barê belgefîlma Metropolis de anî ziman ku ew li ser tundiya fermî, pêkanînerên tundiyê, mexdûrên tundiyê û çima kesên van sûcan pêk tinin bê ceza dimîn? rawestiya ye. Şen, da zanîn ku di sala 2007'an da Baran Tursun ji ber li şiyariya polîs guhdar nekir hat qetilkirin û wiha got: "Ji wê demê heta niha 127 kes bi hinceta li hişyariya polîsan guhdar nekirine hatin qetilkirin. Çima û çawa? Çima polis bi hêsanî çekê dikişîne û gule berdide? Çima kes û saziyên vê yekê asteng bike tune? Van geşedanan ez arasteyî lêgerîna tundiyê kirim."
Nûçeyên manîpulê
Derhêner Eylem Şen destnîşan kir ku dema fîlm amade kir ket nava lêkolîna van bûyeran û li aliyê din polîtîkayên ewlehiyê û razîbûna civakê jî li ser vê yekê lêkolîn kir û wiha got: "Ez der barê mijarê de bi gelek hîndekar û zanyaran re axivîm. Min sûd ji lêkolînên TESEV'ê girtin. Min sûc ji saziyên TÎHV, Rêxistina Mafên Mirovn a Navneteweyî Vakfa Baran Tursun û ÇHD'ê sûd grit. Min ji parêzer, rojnameger, mexdûr kesên din nerîn stendin. Kesên li ser mijarê lêkolîn û çavdêriyên xwe anîn ziman. Vegotinên kesên bûne mexdûrê tundiyê û malbatên wan. Dîsa xebat û çavdêriya hîndekarê Akademiya Polisan Erkan Koc pir balkêş e. Li aliyê din lekolîna zanyar û hîndekar Mithat Sancar jî pir balkêş e. Dîsa çavdêriya Sazûmankarê Sendîkaya Emniyet Senê û polîsê berê Emrullah Aksakal a der barê helwesta polîsan de jî pir balkêş e. Dayik û 4 xwişk û bira ji malbatekê 5 kes nêzî 50 caran li 9 deverên cuda rastî tundiya polîsan hatine. Ji ber tundiya polîsan Cengiz Karataş ji sedî 60 çavê xwe winda kir. Min li ser serpêhatiya malbata Karataş û zextên polîsan a li ser malbatan û kesan vegot. Dîsa min helwesta medya ya li hemberî van bûyeran û malbata Karataş girt dest. Em dibînin ku medya çawa rastiyê manipulas dike. "
'Fêrî têkoşînê bûn'
Derhêner Eylem Şen anî ziman ku malbatên ji bo li zarokên xwe xwedî derkevin her hefte derketin qada Galatasarayê û çalakiyên "Dayikên Şemiyê" pek anîn têkoşîn fêrî malbatan kir û wiha dawî li axaftina xwe anî: "Dema mirovên muxalif tên kuştin û li hemberî vê yekê bê dengî hebe wê demê nîşan dide ku dê dor bê yên din jî. Lê li hemberî vê kuştina polîsan ne saziyên fermî û ne jî saziyên civakî tu tiştî nakin. Divê em bi şînê li van zarokên ku tên kuştin xwedî dernekevin. Bi têkoşîn û xebatê divê li wan xwedî bê derketin."
DÎHA/ÎZMÎR