Merkezê Dersim benda kontrolê yê polîsan ê Kemere Bel de teqînayişeke ca ame. Teqînayişî ra dima xêlê ambûlans û wesayîtê zirxî şî cayê teqînayişî.
Benda kontrolê yê polîsan ke Kemere Bel de ronîya û cayekê mavêna merkezê Dersim û qezaya Pilûrî yo de teqînayişeke qewimya. Teqînayişî ra dima vengê tifingan ame aşnawitiş. Xêlê ambûlans û wesayîtanê zirxî verê xo day cayê teqînayişî. Quwetanê dewlet dormeyê nêweşxaneyê sûk girotî. Rayîra Dersim û Pilur zî trafîkî rê amê girotiş. Goreyê zonayişanê çimeyê heremî xêlê kiştî û dirbetinî estê.
Heto bîn ra rayîra mavêna Qislê û Pilemûrîye ke 15ê Gulane de amê girotiş, 200 rojan ra tepya bi fermanê walitî abîya.
ANF / DERSIM