Wareyê Berçelan, ke 18 kîlometre dûrê merkezê Colemêrg ê û her serr festîvalê qesnayîşî yenê viraştiş, bi behaneyê ewlekarî hethe dewleta Tirk ameyê qedexekerdiş. Rixmê no qedexeyî zî Berçelan xo bi renganê xo yê xozayî xotîtikna.
Deştê Berçelan û Gola Seyîtxan ke rojawayê ci de ya, bi rindekîya xo hayr ancenê. Berçelan yew cayo ke mordemê herêm bi hezaran serran o heywananê xo çerêneno û zey wareyan kar ano yê. Nîkilê wareyanê Berçelan de vewr qet nêvilêşîyena. Serranê peynî de no ca de festîvalê qesnayîşî amey viraştiş û bi hezaran însanî tewr bî.
Zozanan kerd qedexe
Berçelan, bi vilikê xo yê hezar cûreyî, bi awa xo ya ke vewrî ra herikyena û bi golanê xo, zey cenetêk, emserr zî xotîtiknayo.
Dewleta Tirk, şer xo rê kerd behane û Vakurê Kurdistanî de deşt û zozanan û xeylê cayan welatijan rê kerd qedexe. Na qedexe ra pîya derbeyêka gird gina heywankarî ro. Nê cayan ra yewe zî Wareyê Berçelan ê. Nika welatijî nêşkenê heywananê xo biçerênê û herzewbîn seba zimistanî zî nêşkenê êm seba heywanan peyda bikerê.
‘Berçelan keyeyê ma yo’
Dewijan ardî ziwan, ke bi sebebo ke nêşkenê heywananê xo biçerênê polîtîkayanê qedexekerdişî rê nêrazîbîyayîş damûsnay.
Welatijê ke derheqê babed de ANF rê qisey kerdî wina vatî: “Deştê Berçelan zey keyeyê ma yo. Ma dê ti wext fek Berçelan ra nêviradê. Ma nika nêşkenê dew ra bivejyê. La no hal timûtimî wina nêşono. Helbet ma do rojeke bivejyê zozan û koyanê xo. Zerrya ma Berçelan de ya. Berçelan çimeyê ma yê weşî ya. Her çîyê ma ya. Ma Colemêrgîjî bi deşt û koyanê xo ra yew ê. Ma her tim tiya de bî û ma dê her tim tiya de bê. AKP bi îdîayê festîvalê qesnayîşî ra însanê tewrê PKK benê, festîval kerdbî qedexe.
ANF/COLEMÊRG