Weçînayîşê 7 Hezîrane bi serkewtişe şarê kurdî.
Esas mesele verê weçînayîş de çîyo ke R.T.Erdoxanî kerdo zaf muhîmo.
Erdoxan meydanan de şarê kurdî ra nengî çînenê.
Hemberê şarê kurdî heqeret kerdêne. Zerdeşt ra girewtine ardêne Kurdê Êzîdî, uca ra girewtene ardêne terorîzmê.
Vatêne, “Ez 400 wekîlan wazena ha. Şima bidenê ez bena serok.”
Meydan bi meydan gêrenê, qerêne û qerêne.
Destê eyê de Quran, waştêne bibo sey Muawîye û Yezîd. Xo ra çîyo ke Roboskî, Gelîyê Teyaran, Kobanê û Şengal de dabi kerdiş, ê Muawîye û Yezîd ra zêdeyîr bi.
Seba meydanan dikero, ferman şirawitê daîreyanê dewleta tirk ra, vatêne gera her kes bîyero mîtîngê AKP û Erdoxanî.
Memurê dewleta tirk şîyêne mîtîngê, la mîtîng de Erdoxanî ra nengî yane kufir kerdêne.
Vanî, wexto ke Erdoxanî Amed de bi zorî memurî berdî mîtîngê, memuranê dewleta tirk zî çîyê ferqlî kerdî.
Wexto ke Erdoxan vejîyo ser dike û dest bi qiseyan kerdo, memuranê dewleta tirk sey Amedijan çîyêk vato.
Vato, “Berde! Bine te erde Reco!”
Zafe memuran zî mîtîng terkkerdo.
Bi nê bîyayîşan ra zî vejîya bi werti ke, ê AKP weçînayîş vînbikero. AKP û Erdoxan dî kî weçînayîş vînkenê, dest bi hêrîşanê bombayî û sîlahan kerd. Edene, Mersîn, Çewlîg, Erzirom û Amed zaf hêrîşê gird kerdî. Şehîdê ma zî bî.
AKP va qey ez pê nê hêrîşan eşkena şarê kurdî bitersinî. Ê nêşîyerê ser sindoqan.
AKP sê kerd, sernêkewt. Şarê Kurd 7 Hezîran de AKP ra va, “Kurdîstanê de qey to ca nêmendo. Ti qetilkere. Ti dagirkere. Ti tecawizkere. Ti dizde. Ti zurekere. Ti bêdîn û bêîmanê. Ti munafiqe munafiqanê.”
Teberê çend bajarê Kurdîstanê de êdî dewleta dagirker ra ca nêmendo. HDP eşkena, pê xebatêk weş û rind weçînayîşêk bîn de nê bajaran zî rizgarbikero.
7 Hezîran de vejîya werti ke, şarê kurd Rojhelatê Mîyanên de rebertîya azadî, demokrasî û seyewbînî keno.
Têna bin rebertiya KCK-HDP û şarê kurdî de xelasîya şaranê Rojhelatê Mîyanên bena.
Zobî zî weçînayîşê 7 Hezîrane de têna AKP vînnêkerd. AKP-PDK(KDP)-Çeteyên Hîzbulkontra Hudapar û Çeteyên DAÎŞ’ê pîya vînkerd.
Pêronê înan hem hetê îdeolojîk de hem zî hetê sîyasî de vînkerd. Pêronê înan hetê eskerî de zî vînkerd.
Hina bi ke YPG-YPJ’yan zî zêdeyîr kewtî heyecanê. Wazenê Girê Sipîyê wextêk kilmek de rizgar bikerêne, serkewtişa dîyin dîyarê şarê kurd bikerêne.
Hina aseno ke YPG-YPJ Girê Sipîyê rizgar bikero.
Şarê Kurd rizgarkerdişê Girê Sipîyê zî pîroz bikero.
Ma tim û tim xemdar bîyenê.
Huyayîş heqê mawo zî.
Govend kaykerdiş heqê mawo zî.
TILÎLÎLÎLÎLÎLÎ!
BIJÎ HDP!
BIJÎ YPG-YPJ!