Ahmet Bayaro ke beşdarê çalakîyêka protestoyî bîbî ci rê 15ê sibata 2011î de bi îdîaya ‘ser nameyê rêxistine suc kerdiş’ doze ameybî akerdiş û 31ê adare de zî tewqîf bîbî. Ahmet Bayar wexto ke erzîya zîndan 64 kîlo bî, labelê nêweşîya rîşa merdimwere ya qeseba ver heta 45 kîlo kêmî bî.
Bayar badê ke 5 aşmî zîndan de mend, seba ke şiûrê xo vînî kerd, keyeyê ci vernîya zîndanî de grevê vêşanî û çalakîye da destpêkerdiş. Badê ke keyeyê ci çalakîye da destpêkerdiş, Bayar ame tehlîyekerdiş û erşawîya Nêweşxaneyê Cigêrayîş û Perwerdeyî yê Gazî Yaşargîlî yê Amedî û ewja de girîya binê tedawîye.
Heta nika 2 aşmî derbaz bîyî, labelê tedawîya ci netîce nêda. Rewşa Bayarî her ke şî hîna bîye xirabin.
Babete ser o cinîya Bayarî Emîne Bayare û kênaya ci qisey kerdî. Emîne Bayare dîyar kerde ke her ke şono hişê ci hîna zaf kêmî beno û wina domnaye: “Êdî endamanê keyeyî nas nêkeno.”
Selma Bayare zî va ‘tedawî netîce nêgirewte û nika her ke şono rewşa ci xirab bena’ û wina dewam kerde: “Pîyê mi êdî nêşeno qisey bikero û nane biwero. Pîyê mi 64 kîlo ra kewto 45 kîlo. Eke pîyê mi bimiro, berpirsîyar îdarekarîya zindanî yo.”
MA - AMED