ŞERVÎN MISTEFA / ARIF ŞERVÎN / ANHA / EFRÎN
Şerê mîyanênî yê Sûrîye ver bi sehezaran merdimî mecbûr mendî ca û warê xo biteriknî. Nika warê Îdareyê Xoserîye yê Vakurê Sûrîye de bi desan kampê bextwaştoxan estî. Nê kampî bi hezaran bextwaştoxan rê meymandarîye kenî. Nê kampan ra yewe zî bajarê Şehba de ya.
Na kampe hetê Îdareyê Xoserîya Demokratîke ra 2016 de dewa Keştarî ya qezaya Şêrawa ya Efrînî de ameye awan kerdene. Hêrişê dewleta tirkî ra ver bi seyan keyeyî kampa Bextwaştoxan ya Rûbarî de mendêne. Labelê badê ke dewleta tirkî Efrîn dagîr kerde, bextwaştoxî mecbûr mendî koçê Kampa Şehba bikerî. Na rewşe ver barê na kampe hîna giranêr bîye.
Endamê Îdareyê Kampa Şehba Mihemed Diboyî babete ser o wina va: “Heta nika ti rêxistina heqê merdiman seba destekdayîşê bextwaştoxan, kampe zîyaret nêkerda. Îdareyê kampe her çiqas ke îmkanê înan bisînor î zî hewl danî lazimîyanê 100 keyeyan pê bîyarî.”
Seba ke kampe de merkezê weşîye çin o û kel-melê zexîreyî û bitaybetî zî werdê domanan çin o, welatîyî zaf zehmetîyan ancenî. Welatîyê ke kampe de cuyenî, veng dayî rêxistinanê mîyanneteweyîyan ke wa destek bidî kampa bextwaştoxan.