Beyazpîrînç ke pirodayiş de bi dirbetin ame binçimkerdiş, rîwalê ke nêame dermankerdiş weşiya xo kerd vinî. Cenazeyê Beyazpîrînç badê otopsî Enqera ra rişiya Amed, ewja ra zî berdinîy morghe mezelxaneyê Asrî. Vizêr seatanê şodir de Parlalamenterê HDP yê Sûk Îbrahîm Ayhan, Dîlek Ocalan, Hemserokê TUHAD-FED Mehmet Temîzyuz ra piya bi seyan kes mezelxane de, ver morgî de are bî.
‘Înfaz kerdî’
Cenazeyê Beyazpîrînç’î bi slogananê “şehîd nêmireno” û “Bicuw Serok Apo” heta cayo ke bîro binerd kerdiş hewadayiya. Parlamentera HDP Dîlek Ocalan tiya de qisey kerd û vist vîrî ke Beyazpîrînç o dirbetin 5 aşmiyo nêame dirbetinkerdiş û terkê merdiş kerdî. Ocalan da zonayen ke Beyazpîrînç ameyo înfazkerdiş û aşkere kerd ke bi kiştişan şarê kurd nêqediyeno.
Parlamenterê bîn yê sûk Îbrahîm Ayhan’î zî aşkere kerd ke, verîgirotişê heqê dermankerdiş înfaz o. Birayê Beyazpîrînç’î Orhan Beyazpîrînç’î zî merasîm de qisey kerd û da zonayen ke birayê ci bi dişmenayî ame qetilkerdiş. Beyazpîrînç’î vist vîrî ke çinîkerdişê bedenî rehet o û va, ‘ma bi fikrê xo ser pay de yê û şima nêşkenê ma çinî bikerê. Orhan Beyazpîrînç’î da zonayen ke, qiseyê peynî yê birayê ci ‘rêxistin’ bî û va, nê rojî zî dê ravêrê, ma dê zey wasiyetê şehîdî xo rêxistin bikerê û serkewê.
DÎHA/RIHA